تبلیغات
ائله بئله - مطالب فروردین 1395
ائله بئله
صفحه نخست       پست الکترونیک          تماس با ما              ATOM            طراح قالب
گروه طراحی قالب من گروه طراحی قالب من گروه طراحی قالب من گروه طراحی قالب من گروه طراحی قالب من

سوبای اؤلوموم
شعر: زینب فرجی
چئویردی: سوسن نواده‌رضی

اربابین آخشام یئمه‌یینده‌کی 
آجی ایسسوت کیمی
سحر یئمه‌یینده چایین دم چکمه‌مه‌سی کیمی
یا دا
باجیمین سؤز دانیشماسی‌نین پوزولدوغونا تای
من
نه یاشامدان یارادیم
نه ده سندن
کی جماعاتین ته‌یرلرینین پنچرینی آلدیغیندا
هئی سؤیکه‌نیرسن آنیلاریما
هئی باشیوی قویورسان 
قابارمیش چیینیمه
بس نیه کیمسه منه دئمه‌دی
بو شهرین دووارلارینا سپیلمیش اولان آبریملا 
اوینامایام گرک
اونون یئرینه چالیشام 
اریمه یاخجی ارواد اولماغا
قیزیما یاخجی آنا اولماغا
یا دا آناما یاخجی قیز اولماغا 
حاضیرلایام اؤزومو
منی باغیشلایین 
اگر بو کوچه‌ده
یا دا او بیلیم یوردوندا 
پاتلئتی اولمایان بیر خانم- آقانین کاراکتئری وار منده
من بانکین قرعه کئشلیغیندا
شانس گتیرمه‌دیم
قونشونون اوغلو ایسه
آتاسینین پولو ایله
درس اوخودو
و
درس اوخودو
ائوین ایشلری سیندیردی بئلیمی
باهارین گلمه‌سینی بیلمه‌دیم
ساعاتی
بیر ساعات قاباغا چکدیم
کی جوجه کرخاناسینین ایشلریله بیرلیکده
اورتادا اولمایان بیرینه دئیه‌م
سنی سئویرم
منی سئویرسن
سوبای اؤلوموم.
 




نوع مطلب :
برچسب ها :
لینک های مرتبط :
          
جمعه 13 فروردین 1395


ا. جمیلی:
گول، اوچوشسون دوداق- دوداق دردیمیز
سئوگی سئلی سارسین عؤمرون یوللارین
کؤلگه لرده سارالماسین گولوموز
اسیر تورپاق دادین آلسین باهارین

س. رضی:
قیش سووشور یای- یاز گلیر آردیندان
گون اریتمیر ظلم ائوینین بوزلارین
بایرامیمیز او گوندور کی اوشاقلار
اؤز دیلینده یازا بیلسین باهارین
ا. جمیلی:
گئج تئزى وار گله جكدیر او گون ده
دوستاق ائلین یاساق دیلى دیللنسین
آرزى یازین فیدانلارى زوغ آتیب
اؤز یوردوندا اؤز باغیندا گوللنسین
س. رضی:
خیالیمی ساز چالیرسان اوزاقدان
اومود سسی قولاقلارا خوش گلیر
آرزولاریم ایللردیر بیر قاطاردیر
اوره‌ییمدن دولو گئدیر بوش گلیر
ا. جمیلی:
بوشونا بوش دئییل آرزى قاطارین
دوراق- دوراق كؤنول یولوندان گلیر
اومود فیدانلارى چیخان دوزلرده
گؤزله‌نن بولوتلار لئیسانین الیر
س. رضی:
گله‌جه‌یی دومان توتوب، چن توتوب
اومود غونچا وئریر آما گول آچمیر
هر شئی دوزه‌له‌جک، گؤزل اولاجاق
دئییرسن ده، منیم گؤزوم سو ایچمیر

قوشلار بوردا بوینو بوکوک اوچارلار
شاه قانادلاریمیز کسیک- کسیک دیر
گل گؤر نئجه کورلوق چکیب، دارلیقدان
یاشام اهمال، اؤلوم تر- تله‌سیک دیر

ا. جمیلی:
بیر اسیم اسمه‌یه جانى باغلیدیر
بولوتلار گونشى هؤروب سارسا دا
اولدوزون ظولمتدن باغرى داغلیدیر
قارانلیق كؤكسونو دئشیب یارسا دا
س. رضی:
گونش کوسوب میسمیریغین ساللایب
گوندوزو گئجه‌دن داها سئچن یوخ
گونجل یاشام ائله بیزی توولاییب
حاقین قاپیسینی داها آچان یوخ
ا. جمیلی
بیر سئوگیدیر بیرده تانرى قالاجى
گلیب گئدرگیدیر اولوب اولانلار
دوغرولار دوغاندا یئنى اوفوقدن
باتاجاقدیر اوزو قارا یالانلار
س. رضی:
سئومک نه‌دیر، نه رنگده‌دیر،‌ بیلن یوخ
آدام باشی بیر تانری وار بلکه ده
کَسَرسیزدیر دوغرولوقلار وارسا دا، 
حوققالار وار، هوللوکلر وار اؤلکه‌ده
ا. جمیلی
سیرا سیرا سئوگیسیزلیك وارسادا 
اوسانماسین سئون كؤنلون سئوگی ده
سئوگى دونیان ال چاتمایان بیر آدا
فرطانالار كؤپن ایچى بوش هه ده
س. رضی:
بونجا درددن اوسانماییم نئیله‌ییم
آجیلارا قاتلانماغی گل اؤرگت
فیرتانایا توتولان بو کؤنلومو
کولکلردن، قاسیرغادان آل اؤرگت


دئییشمه‌نین داوامی باشقا دیلدن:

فرهاد احمدپور:

بیر سورو وار، قوردو چوبان قیلیقدا

آیین-شایین سؤکور، دیدیر، داغیدیر

دئدین گؤزوم سو ایچمه ییر قورتولا

بوگون بیزه قان وئرمه گین چاغیدیر

رضی:

عاغیل عاغیلدان اؤتگوندور دئمیشلر

ساواشا دا باریشلا گئتمک اولار

ییرتیجیلیق چؤلده حیوان ایشی دیر

دوغرو یولوندان آماجا یئتمک اولار


بیر جانا مین جان آلاندان قورخورام

قیر قولایدیر، بولاندیرسان دورولماز

غضبیمیز سئل اولسا، وریان آشسا

کیم قاتدی، کیم قاریشدیردی،سورولماز


فرهاد احمد پور:

قمچی دییب گؤی سینه‌سی گؤوه‌ریب

قان جالانیب، یئر کوره‌سی لئش قوخور

وستو باسیب چیسگین اولوب هاوامیز

داغ داغ اوسته، درد اوستونه درد سوخور

رضی:

حاق سؤزون اوستونه سؤز دئمک اولماز

گوی یارادیر، یئر یارادیر، بیز یارا

ان ایچدیریب، قان ایچنلر قان قوسار

بو گئدیشله دنیا گئدیر نم هارا


قانی قانلا یوماق اولماز دئییبلر

دوشوننله دوشونمه‌ین بیر اولماز

یاشام بیر اویوندور، دوز اوینانمالی

دوشونجه‌سیز داش داش اوسته دایانماز








نوع مطلب :
برچسب ها :
لینک های مرتبط :
          
پنجشنبه 12 فروردین 1395

آغلارگولر (فروردین) آیینین 10-وندا، ساعات 19- 16-یه کیمی ائلبیلیمی دفترینده قدیمدن قالما بیر دَبیمیز اولاراق، بایرام اَیلشمه‌سی توتولدو. ائلبیلیمی طرفیندن توتولان بو بایراملاشما مراسیمنده ائلیمیزین ادبیاتچی و صنعتچی بؤیکلری، ادبیاتیمیزین آغ‌ساققاللاری و آغ‌بیرچکلری، هنر و قلم اهلی اولان عایله‌لریمیز، موسیقی اوستادلاریمیز، کولتور و فولکلوروموزلا ایلگیله‌نن جوانلاریمیز، فولکلورچو خانملار و بَی‌لریمیز، ژورنالیست قلمداشلاریمیزدان بیر سیراسی بیر آرایا گلیب، گؤروشوب بایراملاشدیلار.

بو گؤروشده آراز و دنیز امانی آراسیرا قوناقلارا خوش گلدین دئییب، اؤز شیرین دکلمه‌لری ایله مجلیسیمیزه داد قاتدیلار.
دیرلی سس صنعتچیمیز، کبری خانم میرحسینی، باهارین گلیشی و آنا گونو مناسبتینه شعرلر اوخودو. سونرا دا خانم زلفی-دن فولکلور هاوالی بیر شعر سوندو قوناقلاریمیزین قوللوغونا.
دکتر صدیق و مهندس صرافی جنابلاری فولکلور اوزره گؤزل صحبتلر ائدیب، قوناقلاریمیزا دیرلی بیلگیلر و گؤستریشلر سوندولار.
آقای مهندس جعفر کیوانچهر زلیمخان یعقوبدان اومید و گوزللیک عنوانیندا شعرلر اوخویوب حاضیر اولان جمعین کؤنوللرینده تخت قورا بیلدیلر.
فولکلورچو خانملارین گؤزل اورکلی، تمیز قلملی شاعیری، لاله خانم علیقلیان دا اؤز شعرلریندن اوخویوب، گؤروشه گلنلری فیض‌یاب ائله‌دیلر.
گونش خانم امانی و لیلا خانم آفتاب آذری-نین ایفاسیندا قدیم زامانلار ائولرده عایله ایچینده اوینانان بیر تاماشانی ایکی کز جانلاندیریب، بایراملاشما هاواسینا یئنی بیر هاوا قاتدیلار.
جناب خالط آبادی «ائلدن- 2» -نین یایینلانماسینین موشتولوغونو وئررک بو کتابی تانیدیب، لازم اولان آچیقلامالار و بیلگیلری وئردیلر.
بو تؤرنده رسول بی قدیری-نین یئنی یاییملانان «گول آخیتدی» کیتابیندان، ها بئله «سارای» درگیسینین ده چاپدان چیخماسینین موشتولوقلاری وئریله‌رک، ماراقلانانلارا تانیتدیریلدی.
دیرلی و بیلگین قوناقلاریمیزین بیری ده «ثمین کتاب ایرانیان» مؤسسه‌سینین مدیری، خانم دکتر زهرا احمدی اولدولار. خانم دکتر احمدی اوره‌یه یاتان سسلری ایله فضولی-دن گؤزل بیر غزل سئچیب حضارا تقدیم ائدندن سونرا، «1395نجی ایلین عؤمر کروانی- قافله‌ی عمر 1395» باشلیقلی دیرلی سالنامه‌نی بایراملیق اولاراق بیر نئچه عزیزیمیزه اتحاف ائتدیلر. دئمه‌لی بو سالنامه‌ خانم دکتر احمدی-نین امه‌یی و جدی چالیشمالاری سایه‌سینده، استاد میر حسین زنوزی-نین اولاغان اوستو گؤزل خطی ایله حاضیرلانمیشدیر.
بو گؤروشون اثناسیندا موغام اوستادیمیز،‌موسیقیمیزی افتخارلاریندان ساییلان، جناب حسین ملکی، قوناقلاریمیزی ایکی پارچا غزل و موغاما قوناق ائدیب، بایرامیمیزی بایراملاشدیریب، یادلاردان سیلینمز ائتدیلر. 
مؤلفی دکتر صدیق اولان «چهل حدیث نبوی به روایت فضولی»، نوایی و جامی» کتابیندان بیر تعداد هابئله، استاد ملکی زاده‌‌نین اؤز ایفالاریندا اولان سیدیلر ده ائلبیلیمی مؤسسه‌سینه اهدا اولوندو. بیر چوخ قوناقلاریمیز گول و شیرینلیقلا بو گؤروشه گلمیشدیلر. بو آرادا، آلماندا یاشایان آما تبریزده زنگین بیر ائوموزه‌سی اولان دمنابی جنابلاری دا گؤزل آنتیک بیر هدیه ایله موسسه‌نین مادی فولکلورونا بیر دوز آتدی. یوسف اوغلو جنابلاری دا موسسه‌نین مادی فولکلور بؤلومونه دیرلی اشیالار و بیر نئچه قدیمی سیککه تقدیم ائتدیلر.

اؤز آدیما و ائلبیلیمی موسسه‌سی آدینا گلنلرین آیاقلاری آغریماسین، گله‌بیلمه‌ینلرین جانی ساغولسون دئییرم. بوتون ائلین باهار بایرامی مبارک اولسون، گؤزل گونلر دیله‌یی ایله...
سوسن نواده‌رضی- فروردین 1395- تبریز











نوع مطلب :
برچسب ها :
لینک های مرتبط :
          
چهارشنبه 11 فروردین 1395


Cücelerim; uşaq mahnısı

اوشاق ماهنیسی؛ «جوجه لریم»
ترانه‌ی کودک: جوجه‌لریم (جوجه‌های من)

ترانه آذربایجانی بسیار زیبا و خاطره‌انگیز جوجه‌لریم كه سال 1959 توسط صغرا باقرزاده،كودك خردسال (12 ساله) اهل باكو، اجرا شد و بسیار مورد استقبال قرار گرفت.
همان سال این ترانه را با یك اركستر بزرگ و به شكل یك باله باشكوه 150 نفری در فستیوال "دهه هنر آذربایجان" در شهر مسكو اجرا كردند

این آهنگ به زبان‌های آلمانی، انگلیسی، ژاپنی، لهستانی، بلغاری، یوگسلاوی' روسی، عربی، و رومانیایی ترجمه شده.

 

«جوجه‌لریم»، 1949 ایلینده بسته‌له‌نن بو ماهنینین سؤزو قنبر حسینلی-یه، موسیقیسی ایسه توفیق مطب اوف-ا عایددیر.

«جوجه‌لریم» ماهنیسی، 1959-دا مسکوداکی آزربایجانلی صنعت فستیوالیندا صغرا باقرزاده طرفیندن اخوندوقدان سونرا یایقین شکیلده تانینمیشدیر.

ماهنینین سؤزلرینده آنا تویوق «جوجه‌لریم» دئیه بالالارینا سسلنمکده و اونلاری بسله‌مک اوچون ائتدکلرینی آنلاتماقدادیر.
بو ماهنی تورکجه‌دن باشقا، روسجا، فارسجا، انگلیزجه، آلمانجا، فرانسیزجا، اسپانیولجا، عربجه، چینجه، ژاپونجا، بولغارجا، صربجا، خیرواتجا، رومنجه کیمی بیر چوخ دیللره چئوریلمیشدیر.


"Cücelerim", 1949 yılında bestelenen şarkının sözü Kamber Hüseynli'ye, müziği Tevfik Mütellibov'a aittir.

"Cücelerim" şarkısı 1959'da Moskova'daki Azeri Sanat Festivali'nde Suğra Bağırzade tarafından okunduktan sonra yaygın şekilde tanınmıştır. Daha sonra Sovyetler Birliği sınırları içinde yaşayan çocuklar arasında oldukça popüler olan "Cücelerim", Nu, pogodi! adlı çizgi filmin 6. bölümündede kullanılmıştır.

Şarkının sözlerinde anne tavuk civcivlerine "Cücelerim" diye seslenmekte ve onlara yaptığı bakımı anlatmaktadır.

Şarkı Türkçenin haricinde Rusça, Farsça[2], İngilizce, Almanca, Fransızca, İspanyolca, Arapça, Çince, Japonca[3], Bulgarca, Lehçe, Sırpça, Hırvatça, Rumence gibi pek çok dile çevrilmiştir.

جوجه لریم
جوه جوه جوجه لریم
جوه جوه جوه جوه
جوجه لریم
منیم قشنگ جوجه لریم
توکو ایپک جوجه لریم
گؤزله ییرم تئزگله سیز
گؤی چمنده دینجه له سیز
آی منیم جوجه لریم
آی منیم جوجه لریم
آی منیم جوجه لریم
آی منیم جوجه لریم
منیم قشنگ جوجه لریم
جوه جوه جوجه لریم
جوه جوه جوه جوه
جوجه لریم
گلین سیزه یئمک وئریم
من سو وئریم چؤرک وئریم
آی منیم جوجه لریم
آی منیم جوجه لریم
آی منیم جوجه لریم
آی منیم جوجه لریم
جوه جوه جوجه لریم
جوه جوه جوه جوه
جوجه لریم
آرزوم بودور بوی آتاسیز
آنالیغا تئز چاتاسیز
آی منیم جوجه لریم
آی منیم جوجه لریم
جوه جوه جوجه لریم
جوه جوه جوه جوه
جوجه لریم

ترجمه فارسی
جوجه هایم
جیک جیک جوجه هایم
جیک جیک جیک جیک
جوجه هایم
جوجه های قشنگ من
جوجه های مو ابریشمیم
منتظرم زود بیایید
در سبزه و چمن استراحت کنید
ای جوجه های من
ای جوجه های من
ای جوجه های من
ای جوجه های من
جوجه های قشنگ من
جیک جیک جوجه هایم
جیک جیک جیک جیک
جوجه هایم
بیایین به شما غذا بدهم
براتون آب و نان بدهم
ای جوجه های من
ای جوجه های من
ای جوجه های من
ای جوجه های من
جیک جیک جوجه هایم
جیک جیک جیک جیک
جوجه هایم
آرزو دارم قد بکشید
و زود مادر بشید
ای جوجه های من
ای جوجه های من
جیک جیک جوجه هایم
جیک جیک جیک جیک
جوجه هایم

ترجمه انگلیسی

My Little Chicks

Music by: Ganbar Husein
Words by Tofig Mutallibov

Main Chorus:
Jip, jip, my little chicks,
Jip-jip, jip-jip, my little chicks,
My beautiful little chicks,
My silky feathered, little chicks.

Solo - 1:
I'm waiting for you to come soon,
To rest in the green grass.
Solo: My little chicks!
Chorus: Ah, mine!
Solo: My little chicks!
Chorus: My beautiful little chicks!

Solo - 2:
I'll give you whatever you want to eat,
I'll give water, I'll give grain.

Solo: My little chicks!
Chorus: Ah, mine!
Solo: My little chicks!
Chorus: My beautiful little chicks!

Solo - 3:
My hope is to see you grow up tall,
To reach your mother soon.

Solo: My little chicks!
Chorus: Ah, mine!
Solo: My little chicks!
!Chorus: My beautiful little chicks

 





نوع مطلب :
برچسب ها :
لینک های مرتبط :
          
یکشنبه 8 فروردین 1395

بو گون بایرام آیینین 5-ینده، ائلبیلیمی عضولریندن بیر عده‌سی، بیر گروپ تاریخ و ائلبیلیمی ماراقلیسی همشهریلر ایله بیرلیکده سردری شهرینده یئنیجه قورولان «ساردوری» موزه‌سیندن گؤروشه گئتدیک. گؤروشده، بو قونودا اولدوقجا بیلگین اولان، و دئمک عؤمور قویوب، ساچلارینی آغاردمیش اولان ایکی ده‌یرلی اوستادیمیز، سایین رضا سرابی و سایین دمنابی بیزلره ائشلیک ائدیب باخیشلارینی، انتقادلارینی و گؤستریشلرینی بیزلره اسیرگمه‌ییب، دوغرو درست قیلاووزلوق ائتدیلر بیزلره و توتدوغوموز یولا ایشیق ساچدیلار. 
باشدا اقای رحیم قابل نژاد-ین جان و کؤنولدن وئردیگی امکلری، و ائلبیلیمی اویه‌لرینین ایچدن اورکدن چالیشمالاری ایله گئرچه‌یه قووشوب گون ایشیغینا چیخان بو موزه‌نین قورولوشوندا سردرینین بوتون ضیالیلاری، خصوصیله آیدین فیکیرلی شهردار جنابلارینین چوخ فایدالی امکداشلیقلاری اولموشدور.
قاییت باشدا، بوتون جمع، سردری شهرینین آدلیم رستورانلارینین بیرینده چوخ دادلی تاملی آبگوشتونو یئییب، چای باغلاواسینی تناول بویوروب، بو موزه نین قورولوشوندا چالیشانلاردان تقدیر ائدرک، دیگر شهرلرده ائل بیلیمی موزه لری قورولماسی بارسینده دانیشیق اپاریب قرارلار ادیلار. سونرا شن بیر هاوادا تبریزه قاییتدیق. نیسگیل ائلمه‌لی بیر گزی ایدی. ائلبیلیمی و تاریخیمیزله ایلگیله‌نن آرخاداشلارا گئدیب ساردوری موزه‌سیندن گوروش ائتمه‌لرینی توصیه ائدیرم.





نوع مطلب :
برچسب ها :
لینک های مرتبط :
          
جمعه 6 فروردین 1395

قیز و اوغلان دئییملریمیزده، آتا سؤزلریمیزده، گله‌نکسل دوشونجه‌لریمیزده.....
البته، گله‌نکلری توپلاماق، یازییا گئچیب آراشدیرماق ، ایللا دا هامیسینی اویقولاماق ، قبول ائتمک یا دا ساخلاماق آنلامیندا دئییل منجه.

قیز آلان آلانا کیمی، قیز وئرن اؤلنه کیمی
قیز آلان گؤز ایله باخماسین، قولاق ایله ائشیتسین
قیز الانین یا بیر چووال قیزیلی، یا بیر چووال یالانی گرک
قیز آنادان اولاندا گؤزونو آچار دئیر: بو بیزیم ائو دئییل!
قیز آنادان اؤیود آلار
قیز آناسی ائلچی گؤزلر (قیز قاپیسی ائلچی گؤزلر)
قیز بادام‌دیر، بالاسی بادام ایچی
قیز قالدیقجا قیزیلا دؤنر
قیز قاپیسی شاه قاپیسی، مینی گلر بیری راضی گئدر
قیز، قیزیل آلما، قیزی گؤزدن سالما
قیز قیزیل دیر، قدرینی بیلسین گرک
قیز قونداقدا، جاهازی صاندیقدا
قیز دئدیگین آغاجداکی آلما دیر، کیم سالار او دا آپارار!
قیز دئیر: قیرخیم چیخمایینجا منی آتماسالار، داها آتمازلار
قیز ائوی، ناز ائوی
قیز، ائوین قوناغی دیر، واخت گلر، گئدر
قیز ائوینده توی‌دور، اوغلان ائوینین خبری یوخ
قیز ائویندن اوغول بوجاغی یاخشی دیر.
قیز ائولرده تانینار، ایپک دزگاهدا
قیز کؤچری قوشدور
قیز گئدری دیر، اوغلان اورک باشی دیر.
قیز گؤزل گرک، اوغلان ایگید
قیز گول دور، اوغلان بولبول
قیز نوه‌سی شیرین اولار
قیز اؤزگه امانتی دیر
قیز اؤزگه چیراغینی یاندیرار
قیز سئونده تئز سئور، وای او گونه دول سئوه!
قیز اوشاغی ائوین یاراشیغی دیر
قیز اوره‌یی، چیچک لچه‌یی
قیزا دئدیلر گؤزلسن، دئدی: هله دایانین ال اوزومو یویوم!
قیزدی نازدی، مین تومن آزدی
قیزدیر، قیزیلدیر، اوغلان نه چوخدور
قیزی آناسی اؤیردر
قیزی وئرمیسن اؤزونه اوغول قازانمیسان
قیزی اوتاقلییا یوخ، پاپاقلییا وئر
قیزی اؤز خوشونا قویسان یا موطروبه گئدر یا زورناچییا
قیزی سالدین بئشییه، جاهازینی چک ائشییه

اوغلان:

اوغلان آدامی سیندیرار بادامی، قیز آدامی سیندیرار آدامی
اوغلان دایی‌یا چکر، قیز خالایا
اوغلان گلدین، قیز گلدین؟
اوغلان آتادان اؤیرنر سوفرا آچماغی، قیز آنادان اؤیرنر پالتار بیچمه‌یی
اوغلانا بالاجالیقدا قیز وئرن چوخ اولار
اوغلاندیر، اوخدور، هر ائوده یوخدور
اوغلانی کمال ایله، قیزی جمال ایله
اوغلانین اوغلان اویونو وار، قیزین قیز اویونو
اوغلوم اوغول اولسون، اونا تاپیلمایان قیز اولسون
اوغلونا قیز آختارینجا، قیزینا اوغلان آختار
اوغلونو سئون گلینین سئور، قیزینی سئون کوره‌کنین
اوغول آرخادیر، قیز یاراشیقدیر
اوغول بئلدن، ار ائلدن
اوغول بد اولاد اولسا، اؤلدورر درد آتانی
اوغول گناهسیز اولماز، آتا، مرحمتسیز
اوغول میوه‌دیر، آتا باغبان
اوغول اوغول اولسا، نئیلر آتا مالینی
اوغول اؤلسه جیگریم یانار، قارداش اؤلسه بئلیم بوکولر
اوغول اؤلومو گؤز تؤکر، قارداش اؤلومو بئل بوکر

سوسن نواده‌رضی





نوع مطلب :
برچسب ها :
لینک های مرتبط :
          
جمعه 6 فروردین 1395


فضولی: 
حیرت ای بت صورتین گؤردوکده لال ائیلر منی
صورت حالیم گؤرن، صورت خیال ائیلر منی.
مهرسالمازسان منه، رحم ائیله مزسن بونجا کیم
سایه تک سئودای زولفون پایمال ائیلر منی
رضی:
کؤنلونه اویسان، کؤنول، آشفته حال ائیلر سنی
صبرین اسکیلدر، دوچارِ قیل و قال ائیلر سنی
پایمال زولف-ی یار اولماق یاراشماز عاشیقه
سئوگی قوینوندا دورولماقلار زولال ائیلر سنی
فضولی: 
ضعف طالع مانع توفیق اولور هر نئجه کیم
الطفاتین آرزومند وصـال ائیلر منی
من گدا سن شاهه یار اولماق یوخ ،اما نئیله ییم
آرزو ، سرگشته ی فکر محال ائیلر منی
رضی:
آرزو جایزدی، اونسوز بیر قانادسیز قوش کیمی
قاینایان حیسلر، جوابسیز بیر سوال ائیلر سنی
پیشیگی خز گؤسترر سئومک، ساقین آلدانما کیم
گؤزلرین وابسته‌ی حسن جمال ائیلر سنی
فضولی: 
تیر غمزن آتما کی باغریم ده لر، قانیم تؤکر
عقد زولفون آچما کی آشفته حال ائیلر منی
دهر وقف ائتمیش منی نورس جاوانلار عشقینه
هر یئتن مهوش اسیر خط و خال ائیلر منی 
رضی:
یار اداسی غمزه‌دیر، آشفته‌لیک ساچ قایداسی
سینه گرمک تیر ِ عشقه بی‌زوال ائیلر سنی
گؤز داغیتما هر یئره، پوزما حریمین سئوگینین
ایشتاهانین چوخلوغو بیل بدخصال ائلیر سنی

ای فضولی قیلمازام ترک طریق عشق کیم
بو فضیلـت داخل اهل کمال ائیلر منی
رضی:
ای طریق ِ عشقده پیری- مرادی سوسنین
طبعینی رام ائیلمک صاحب جلال ائیلر سنی





نوع مطلب :
برچسب ها :
لینک های مرتبط :
          
چهارشنبه 4 فروردین 1395

سایقی ده‌یر آرخاداشلار، یولداشلار، فیکیرداشلار، اورکداشلار، قملداشلار؛
باهار بایرامینیز مبارک. گلن گونلرینیز خئیرلی اولسون.
اوره‌یینیزدن سئوگی، کؤنلونوزدن سئوینج، دوداغینیزدان گولوش، وجودونوزدان ساغلاملیق و جیبینیزدن پول اکسیک اولماسین انشالله............آمین.







نوع مطلب :
برچسب ها :
لینک های مرتبط :
          
یکشنبه 1 فروردین 1395





صفحات جانبی
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
امکانات جانبی