تبلیغات
ائله بئله - توپلوم و قادینسی نفسانی دویغولار
ائله بئله
صفحه نخست       پست الکترونیک          تماس با ما              ATOM            طراح قالب
گروه طراحی قالب من گروه طراحی قالب من گروه طراحی قالب من گروه طراحی قالب من گروه طراحی قالب من

Toplum və qadınsı nəfsanı duyğular

Sun N. Rəzi

Ruhu və duyğuları axtalanmış olan qadınların ufacıq səs- cınqırı çıxanda da, onu hərhankı bir damğayla damğlayıb susdurmaq istəyirlər!

Sorunlarla qarşı- qarşıya gələndə, keşke güzgünün nəsnələrlə davrandığı kimi davrana bilsəydik; yəni yarğılamadan, hətta heç iş görəmədən, sorunları nə az-nə də çox, yalnızca olduğu kimi göstərə bilsək keşkə.

Quşqusuz «ləzzət» insana bəxş olunan ən böyük və ən möhtəşəm vergi, bərəkət və nemətlərdən dir. Ləzzət almaq, insanın duyğusallığı, bilincliliyi demək dir. Gövdənin süzkecindən keçib bilinc və mərifətə çevrilən də, həmən həmən bu ləzzətlər dirlər. Ləzzət aparırsansa, varsan demək, canlısan və yaşayırsan demək dir. Daş, dəmir, nə bilim quru taxta dediyin nəsnələr nəfsani ləzzətlərdən yoxsun olar. Nəfsanıyat və ləzzət aparmaq hər zaman, hər yerdə, çoğu məram və məsləkdə təqbih olunmuş, kötümsənmiş, çirkinmiş kimi neçələndirilmiş və məhkum olunmuşdur. Bu üzdən də, ləzzət aparmaqla dirçəlib yetkinlşəcək olan enerji, bu nemətdən- yәni ləzzət aparmaqdan- yoxsun qalınca, azğın düşüb yolundan çaşaraq, nəfrətə, kinə, öfkəyə, qısqanclığa və s . . . mənfi(negative) hislərə çevrilir, onun bətnindən sə,  bir çeşid quru, təravətsiz, yeniliksiz və cansız və fiziksəl xəstəliklərlə dolu bir yaşam törənir. çoğu insanlar, nəfsanıyatı gizli- gizəmli saxlamağa təməkinli davranıb uyum sağlamışlar. Onlar ruhən əzabda və inciməkdə dirlər. Cəsarətsiz olduqları altbilim və vicdanlarını sızladır, öz gözlərindən belə düşürlər. Qorxaq olduqları özlərinə belə qanıtlanmışdır. Öz özələrinə sayqı və hörəmətlərini əldən verəmişlər . . . Ziadə təməkin böylə yapar insanı! Qadınların da gerçk və real qadınsı duyğuları və nəfsanıyatı həmişə, deyilməmiş qurallarla, basdırılıb və bəyanetməsinə hər zaman qarşı çıxılıb, xor baxılıbdır; çünki nəfsanıyatı bəyan edən birisi bir çeşid özgürlük və ötəkmliyə çatar və ona zorakılıqla heç bir şeyi təhmil etmək olmaz. Bu üzdən də onu nə tapdalamaq nə də əzmək olar. Tapdalanan insan küçümsənəmiş olar, təhqirə boyun əyər, təməkinli davranar, daha doğrusu axtalanar, öküz kimi!!! Öküzü axtalamazsan, ram olmaz, tarlada istədigin şəkildə işə çəkilməz, söz dinləməz! Aama axtalanınca, onu kölə kimi istədiyin yerə sürərsən, çünki onun doğal həyat enerjısını alıbsan və doğaya qarşı süç işlədiyin belə mühim deyil sənin üçün. Və, yüxillərdi ki, qadına bu muamilə yapılıbdır və qadınlıq, dolayısıyla da insanlıq əleyhinə bu süç işlənilibdir və qadınlar ruhən axtalanmış olduqları üçün təməkinli yaşamağa məhkum olublar. Duyğular, hislər, istək- dilək və eşqlər dilə gəlməyib yalnızca zehnlərdə saxlanınca paslanar, turşar və acılaşar. Ama onları dilə gəlib söyləyincə böyük həcəmdə enerji buraxılar. Üstunu örtüb basdırınca qalıb- qalıb üstələnər və ağır bir yükə dönüşər. Ağırlaşınca da sorunlar başlar. Ğəm- kədər, qayğılar, bacarıqsızlıq, özgüvəncini itirəmək, depresiyonlar və . . . İllərdir real eşq, sevmək- sevişmək kötülənib, zəhərlənib, pisimiş kimi göstərilib ama bir dürlü yox ediləməyibdir. Ləzzət aparmağı da məzmüm və məhkum sayıblar, xüsusilə qadınlara. Ləzzəti əlindən alırsan, artıq nə qalar insana?! İnsan daşdan yonulmuş bir heyklə dönüşməzmi? Əlini tutarsan, qurumuş taxtaya əl sürər kimi olmazsanmı? Ha gözlərinə baxasan, ha dər- duvara, heç fərq etməz sənin üçün.Çünki bütün enerjisi içində həbs olmuş, çökmüş, qurumuş və içində düyünlənib qalmışdır və çiçəklənib açmaqdansa, insanı məğmüm hala gətirir və pəjmürdə və solğun edir. Düyünlənib də gövdənin hankısa bir tərəfindən sərətan şəklində püskürüb özünü göstrir . Dünya və dünyada olan hər şey, dünyanın quralları da daxil, dayimən dəyişməkdə dir. Dəyişməyən bir tək şey var, o da dəyişimin özüdüz! Düşünür insanlar üçün dəyişkən dünya ən doğru olan dünya dir. Sürəkəli dəyişildiyində, bir həyatda neçə həyatı yaşamaq olanağını qazanırsan. Düşünür yaşamaq, dəyişimlərə ayaq uydurmaq, yenilikçi olmaq , yeni üfüqlərə göz tikmək, başqa hədəflər- başqa şəəflər aramaq, yenini belə yeniləmək deməkdir. Nə yazıq ki, yeniçilər dəyişimlər yaratdıqları üçün hər zaman təhlükəli və qorxulacaq adamlar sayılırlar, çünki kütlənin böyük çoğunluğu dəyişiklikdən saqınıb qorxur. Çünki dəyişim sorunlar yaradır və başdan ayağa zəhmət olur və alışqanlığa dönüşən toplumsal dincliyi pozur. İnsanlar çoğunluqda dəyişimə qarşı gələrək, davamlı- qavamlı və sübatlı olan bir topluma çatmağa əlləşib çalışırlar, lakin bu, dünya və varlıq yasalarına təmamən ayqırıdir; Zira ki, dəyişimdən qaçınılmaz.

 


روحو و دویغولاری آختالانمیش اولان قادینلارین اوفاجیق سس- جینقیری چیخاندا دا، اونو  هرهانکی بیر دامغایلا دامغلاییب سوسدورماق ایسته ییرلر!

سورونلارلا قارشی- قارشی‌یا گلنده، کئشکه گوزگونون نسنه‌لرله داوراندیغی کیمی داورانا بیلسه‌یدیک، یعنی یارغیلامادان، حتی هئچ ایش گؤرمه‌دن، سورونلاری نه آز- نه ده چوخ، یالنیزجا اولدوغو کیمی گؤستره بیلسه‌یدیک کئشکه.
قوشقوسوز »لذت» انسانا بخش اولونان أن بؤیوک و أن مؤحتشم وئرگی، برکت و نعمت‌لردن دیر. لذت آلماق، انسانین دویغوسال‌لیغی، بیلینجلی‌لیگی دئمک دیر. گؤوده‌نین سوزکئجیندن کئچیب بیلینج و معرفته چئوریلن ده همن همن بو لذت‌لر دیرلر. لذت آپاریرسان سا، وارسان دئمک، جانلیسان و یاشاییرسان دئمک دیر. داش، دمیر، نه بیلیم قورو تاختا دئدیگین نفسانی لذت‌لردن یوخسون اولار.

نفسانیات و لذت آپارماق هر زامان، هر یئرده، چوغو مرام و مسلکده تقبیح اولونموش، کؤتومسه‌نمیش، چیرکینمیش کیمی نئچه‌لندیریلمیش و محکوم اولونموشدور. بو اوزدن ده، لذت آپارماقلا دیرچه‌لیب یئتکینلشه‌جک اولان انرژی، بو نعمتدن- یعنی لذت آپارماقدان- یوخسون قالینجا، آزغین دوشوب انحرافا چکیله‌رک، نفرته، کینه، اؤفکه‌یه، قیسقانجلیغا و س...منفی حیسلره چئوریلیر، اونون بطنیندن سه، بیر چئشید قورو، طراوتسیز، یئنیلیک‌سیز جانسیز  و فیزیک‌سل خسته لیکلرله دولو بیر یاشام تؤره‌نیر.
چوغو انسانلار، نفسانیاتی گیزلی-گیزملی ساخلاماغا تمکینلی داورانیب اویوم ساغلامیشلار. اونلار روحاً عذابدا و اینجیمکده‌دیرلر. جسارتسیز اولدوقلاری آلت بیلیم و وجدانلارینی سیزلادیر، اؤز گؤزلریندن بئله دوشورلر. قورخاق اولدوقلاری اؤزلرینه بئله قانیتلانمیشدیر. اؤز اؤزلرینه سایقی و حؤرمتلرینی ألدن وئرمیشلر...زیاده تمکین بؤیله یاپار انسانی!
قادین لارین دا گئرچک و رئال قادینسی دویغولاری و نفسانیاتی همیشه، دئییلمه‌میش قوراللارلا، باسدیریلیب و بیان ائتمه‌سینه هرزامان قارشی چیخیلیب، خور باخیلیبدیر؛ چونکی نفسانیاتی بیان ائدن بیریسی بیر چئشید اؤزگورلوک و اؤتکم‌لییه چاتار و اونا زوراکیلیقلا هئچ بیر شئیی تحمیل ائتمک اولماز. بو اوزدن ده نه تاپدالانار نه ده أزیلر. تاپدالانان انسان کوچومسه‌نمیش اولار، تحقیره بویون أیه‌ر، تمکینلی داورانار، داها دوغروسو آختالانار، اؤکوز کیمی!!! اؤکوزو آختالامازسان، رام اولماز، تارلادا ایسته‌دیگین کیمی ایشه چکیلمز، سؤز دینله‌مز! آما آختالانینجا، اونو کؤله کیمی ایسته‌دیگین یئره سوررسن، چونکی اونون دوغال حیات انرژیسینی آلیبسان و دوغایا قارشی سوچ ایشله‌دیگین بئله مهم دئییل سنین اوچون.
و قرن لر دیر قادینا بو معامله یاپیلیبدیر و قادینلیق، دولایی‌سیله ده انسانلیق علیهینه بو سوچ ایشله نیلیبدیر و قادینلار روحاً آختالانمیش اولدوقلاری اوچون تمکینلی یاشاماغا محکوم اولوبلار.
دویغولار، هوس‌لر، ایستک- دیلک و عشق‌لر دیله گلمه‌ییب یالنیزجا ذهن‌لرده ساخلانینجا پاسلانار، تورشار و آجیلاشار. آما اونلاری دیله گلیب سؤیله‌یینجه بؤیوک حجمده انرژی بوراخیلار. اوستونو اؤرتوب باسدیرینجا قالیب- قالیب
اوسته‌لنر  و آغیر بیر یوکه  دؤنوشر. آغیرلاشینجا دا سورونلار باشلار. غم-کدر، قایغیلار، باجاریقسیزلیق، اؤزگووه‌نجینی ایتیرمک، دئپرئسیونلار و ...
ایللردیر  رئال عشق، سئومک- سئویشمک کؤتولنیب، زهرلنیب، پیس ایمیش کیمی گؤستریلیب آما بیر دورلو یوخ ائدیله‌مه‌ییبدیر. لذت آپارماغی دا مذموم و محکوم ساییبلار، خصوصیله قادینلارا. لذتی ألیندن آلیرسان، آرتیق نه قالار انسانا؟! انسان داشدان یونولموش بیر هئیکله دؤنوشمزمی؟ ألینی توتارسان، قوروموش تاختایا أل سورر کیمی اولمازسانمی؟ ها گؤزلرینه باخاسان، ها در-دووارا، هئچ فرق ائتمز سنین اوچون. چونکی بوتون انرژیسی ایچینده حبس اولموش، چؤکموش، قوروموش و ایچینده دویونله‌نیب قالمیشدیر و چیچکله‌نیب آچماقدان سا، انسانی مغموم حالا گتیریر و پژمرده و سولغون ائدیر. دویونله‌نیب ده گؤوده‌نین هانکی‌سا بیر طرفیندن سرطان شکلینده پوسکوروب اؤزونو گؤستریر.
دنیا و دنیادا اولان هر شئی، دنیانین قورال‌لاری دا داخل، دائما ده‌ییشمکده دیر. ده‌ییشمه‌ین بیر تک شئی وار، او دا ده‌ییشیمین اؤزودوز! دوشونور انسانلار اوچون ده‌ییشکن دنیا أن دوغرو اولان دنیا دیر. سوره‌کلی ده‌ییشیلدیگینده، بیر حیاتدا نئچه حیاتی یاشاماق اولاناغینی قازانیرسان. دوشونور یاشاماق، ده‌ییشیم‌لره آیاق اویدورماق، یئنیلیکچی اولماق، یئنی افقلره گؤز تیکمک، باشقا هدفلر -باشقا شعف‌لر آراماق، یئنی‌نی بئله یئنی‌لمک دئمکدیر.
نه یازیق کی، یئنیچیلر  ده‌ییشیملر یاراتدیقلاری اوچون هر زامان تهلوکه‌لی و قورخولاجاق آداملار ساییلیرلار، چونکی کوتله‌نین بؤیوک چوغونلوغو ده‌ییشیک‌لیکدن ساقینیب قورخور. چونکی ده‌ییشیم سورونلار یارادیر و باشدان آیاغا زحمت اولور و آلیشقانلیغا دؤنوشن توپلومسال دینجلیگی پوزور.
انسانلار چوغونلوقدا ده‌ییشیمه قارشی گله‌رک، دواملی- قواملی و ثباتی اولان بیر توپلوما چاتماغا ألـله‌شیب چالیشیرلار، لاکین بو، دنیا و وارلیق یاسالارینا تماماً آیقیری دیر؛ زیراکی، ده‌ییشیمدن قاچینیلماز .

**************

نادیر بئیین گؤنده ردیگی کامئنت او قدر گؤزلدی کی، من بو گؤزللییه جواب یازا بیلمه دیم،یازماغا بئله جسارت ائده مه دیم . یازدیقلارینی بیر داها دا یورومو ایله بیرگه سونورام  منیم کیمی اینجه لیکلر قولو اولانلارا:

آرامادان بوش یئره گونشی،(حقیقتی یاشادیغین چاغدا بوش یئره آختاریرسان- "بلکه تاپا بیلمه یه جکسن آما تاپا بیلمه یه جگین اونون یوخلوغونا دلالت ائتمز . وار آما هله بولوت آلتیندا دیر)

قاچ یاغمورون آلتیندا. ( سن اونا رغمن یولونا دوام ائت و گونشی – ایشیقلی بیر گونه انتظار اولمادان –  گودوب یولوندان قالما)

و داللارین قوجاغینا ساریلیب،( دوشونجه لرینه جوموب اوز عالمینده)

دانس ائت روزگارلارین قوللاریندا.( یازیب یای دوشونجه لرینی)

واخت ؛

چوخ گئج دیر!

دالیب آی ایشیغینا :بورادا دا یئنه آی بیر حقیقت قایناغی اولاراق گونشین یوخلوغوندا بیر اومید ایشیغی دیر و سن او ایشیقدان یارارلانیب (یاشادیغیمیز چاغ مطلق ظلمت دئییل و آزدا اولسا یولو ایشیقلاندیران بیلگین لر وار)

و اولدوزلارلا بیرلشیب،( و سنی آنلایا بیلن دوستلارینلا بیرلشیب)

قارانلیغین قوینوندا دا دانس ائت!( جهالتین تام ایچینده ده فیکیلرینی و دوشونجه لرینی یایمایا و آنلاتمایا تلاش ائت)

پارلا هاوانین دورولوغوندا ( مئیدان آیاز اولونجا فرصتلردن فایدالان)

گوزلرینین قاماشدیغی چاغدا. (او زامان  گؤزلرینی قییب تردید له ایشیغا باخمادان یولونا داوام ائت)

سن سنین له،

اؤزوندن کئچدیین زامان،

یاغیش کوچه لرینده ایسلان.

بوتون یالنیزلیغینلا.( اوزونو یالنیز حیس ائتسن ده، وارلیغینی دوشونجه لرینه حصر ائتمیشسن و سنی هئچ کیم آنلاماسادا سن بو حوزونلو چاغدا، توپلومون دردینی تام وجودونلا حیس ائدیب یولونا دوام ائت)

وگیزله آجیلارینی.( بو یولدا سنی قایغی و کدرلندیرن مهربانسیزلیقلار و آجیلاری گیزله اوره یینده)

یوزون قیریلماسین،

 داشلارین آرخاسیندا!( سنی آنلایا بیلمه ین دوشونجه لر و یولونا مانع اولان خور باخیشلار و آجیماسیز شرارتلر سارسیتماسین – یورماسین – دایاندیرماسین)

هله ؛

گون گؤرمه میش رویالارین،

تانرینین اؤزگور بوراخدیغی روزگارلار کیمی،

یوخلایان اؤزلری اؤپه جک!( البته کی بیر گون، حیاتا کئچیریلمه ین آرزو و دیلک لرین گله جک قوشاغا اؤزگورلوک بخش ائده جک – بورادا، یوخلایان اوزلری اؤپمک، جاهیل و جهالتده یاشایان انسانلارین جهالتینه مهربانجا یاناشیب اونلاری ظلمتدن ایشیغا چیخارماق اوچون ان صمیمی داورانیش گؤسترمکدن کنایه دیر. چونکی هر بیر اولو دوشونجه صاحبی انسانلاری سئویر و اونلارین نادانلیقلارینا آجییر)

و یازیلاجاق دنیزلرین،

چیلقین دالغالارینا!( و نهایت سیزین امکلرینیز انسانلاری ظلمتدن ایشیغا یونلتدییینه گوره، ابدی اولوب ، دنیز دالقالاری کیمی ابدی یاشایاجاق.- هرزامان چاغلاییب، سسلنیب، وارلیغینی گؤستره جک)









نوع مطلب : qadin، 
برچسب ها :
لینک های مرتبط :
          
شنبه 11 دی 1389
چهارشنبه 8 شهریور 1391 03:07 ب.ظ
سالاملار سایین اوستادیم سوسن خانیم

سیزی چوخ سئودییمدن بوسوزلری

یازیرام گولوم!نییه اوتانمیرام سیزه گولوم دئمه ییمدن؟

بیزیم کنده گوله گول تیکاندا تیکان دئیه ر لر...اماسیزین کندن خبریم یوخدور.
یازغینیز اوزدن گوزل،ایچریندن چوخ چوخ چیرکین وایگرنمه لیدر...

آدامین آز قالیر اورهیی قالخسین

اؤؤؤؤؤ...

نییه سین دوشون اورت باسددیرادا بیلیرم نازیم.
نادیر بئی رویادان کی بیر یوخ دورسوز آچماییب!

نادیر بیر واردان سوزآچیب دیر کی بوتون وارلیقلار اونا باغلیدیر لار

اودانه هر دوش ...قیز،قادین ،آناوسونوکی ایسان دوشو!

نه دن بو سوزو رویایا چئویر میشسینیز؟

بونا حاققینیز یوخدورسیزین

تاسسوفله دئمه لییمرئال سئگی کیمی سئومک وسئویشمکدهآدادیجی دیر...
سئوگی بیر ایگزیستانس اولارق ...قانیر...دوشونور...یاشاییر

یاشاییشینچئشیتلی بویلارین اوزونه گوتوره ببیلر...نییه کی دیریدیر...هئچ زامان آرواد یا کیشی اولا بیلمز اوز وارلیغندا!

نه مئیل اولا بیلر نه فیمئل گولوم!

اوزون سوزون قیساسی...سئوگی ارکک دیشی تانیماز

الی ،قولو ،قیچی هئچ نه یی یوخدور...

اینسا اوست اوسته قادینلار کئرچدن یوخاریدان باخمالییق...

بیر سوزدور من یئییم جنابینیزدا ائئشیدیر شینیز...

یوخ بئله اوخویوسونوز...کئچه ک!

روحواوکوزه به نزتمه ییز اودا او
دا اختالامیش اؤکوزه حالیمی برک قاتدی..اوزمومه گوزون آیدین دئدیم بونوگورونجه...سیزدا ایراق

گوپ باسماق باشارمارام...آجیمدان اودوخارکن هله یازاجاغام..توتولان بیر شئی روح اولا بیمز جانیم...کیریخما!

اله گلن،بورولان شئیه قادینلارین روحونو بنزتمک نه یه بنزرخان خانیم؟

چوخ چوخ اکسیک باخیشدیر بوباخیش منیمجه...قادینلارا

خلق اولونموشلارین ان گوزلی تارنی باخیمیندان قادیندیر...

حایاتدا اونون اوستون بیر اوستون مووجود یوخدور!

شنلیین هم قاپیسی همده ائویر قادینلار..

ی.خسا آلله اوندا اندیندایلانجی ساییلار دی
آیری گوروشه دک آللاهاامانت تاپیشیرام سوسنیمی.

تام ماراقلا:متحیر


سوسن نواده رضیعزیز قلمداش، سایین متحیر سیز منیم یازغامدان هئچ نه آلمامیشسینیز. یعنی داها دوغروسو نه دئدییمی باشا دوشمه‌میشسینیز.
بوندا سیزی سوچلو بیله‌مم، دئمک قلمیم چوووخ یئته‌رسیزدیر.
یئنه ده ایلگی‌لندیینیز اوچون منتدار اولدوم.
جمعه 9 اردیبهشت 1390 11:27 ب.ظ
salam
sizin çox gözəl baxişiz var və yinədə diyerəm ən gözəl vebiz var mən ki bu mətləb lərdən çox istifadə elədim
yaşasin əziz və böyük azərbycan qadinlari ələlxosux siz.dərin hormətlər.saq yaşiyasiz inşalah.لبخند][
سوسن نواده رضیsəlam
Bu qədər alqışlamaya layiq deyiləm!.. sağolun.
yararlana biləcəyinizə sevindim.Siz də yaşayın , təşəkkürlər!
سه شنبه 21 دی 1389 11:14 ب.ظ



سلام اولسون سیز ماراقلی قلمداشا کی ادبیّات ساحه سینده گئجه گوندوز چالیشمادان یورولماییب،اؤلکه میزه داها آرتیق ایشیق ساچیرسیز.
« ساقی » هفته نامه سی نین « آنا دیلی » صحیفه سی یولا دوشدو.
سیز عزیز دن ایسته ییریک اؤز یازیلاریزدان ، شعرلریزدن،و اوخومالی سؤزلریزدن بیزه گؤندرین اؤز آدیز ایله بو صحیفه ده چاپ اولسون.
آنجاق بؤیوک تانری دان سیزه ساغلیق دیله یه رک دَیه رلی اثرلر و اؤیودلرنیزین یولون گؤزله ییریک.
یاشایین!

ایمیل: jalali-saghi@yahoo.com
سایت:www.saagiweekly.com
وئبلاگ: www.jalali.ciooc.com
پنجشنبه 16 دی 1389 10:29 ب.ظ
سالام سایین سوسن خانیم !
یازینیزی اوخودوم یوخسوللوغومدا قیش بوروموش سهندین اته ییندن "بوز چیچه یی"سونا بیلیره م آنجاق !
درین حورمتله
سوسن نواده رضیسلام حؤرمتلی م. ووقار
سیز ائله بو یوخسوللوغونوزلا ، ادبیات خزینه میزین أن ده یرلی وارلیغی ساییلیرسینیز.
سیزدن بیزه هر نه سونولورسا، گؤزوموز اوسته قویولور. سیزین لاپ قورو- قورو ، ألی بوش گلمه یی نیز باش اوجالدیجی دیر .
التفاتی نیزلا اونورلاندیردینیز، ساغ اولون.
پنجشنبه 16 دی 1389 10:19 ق.ظ
سالاملاروقتینیز خئییر اولسون
تااسسفلر اولسون بویون بو توپلومون ان آجی و آغیر و ساغالماز درد لریندن بیریده قادینلارین چئشیدلی یوللارلا حقلرینین یئییلمه سی وتاپتالانماسیدیرلار قادینلارین حقلرین یئینلر ارککلر اولسا دا اؤزلرینه ده بیر پای چاتاجاق اوللارین دا حقلری باشقا یوللارلا یئییله جک آنجاق بو سؤزلر لالایی اولماسین اولارین داها چوخ یاتماغینا حق آلینمالیدیر هرنه یولونان اولموشاولسا ساغ اولون.
سوسن نواده رضیسلام مسعود اسلامی
ساغ اولون گلیب واخت آییردیغینیز اوچون.
باشلیقدا قادین و قادینسی دویغولار یئرلشمیش اولسا دا، منیم مطرح ائله دیگیم سورون ائله ائرکک لری ده احتیوا ائتمکده دیر.آنجاق قادینلارین مضاعف سورونلاری دا اوسته لمه اولور. دویغولار قارماقاریشیق اولوب، سئوگیلر نم نه جور اولوب، ایلیشگیلرده ایچدنلیک یوخ، اولورسا دا شبهه ایله قارشیلانیر،آدام اؤزو اؤزون سانسور ائدیر، هامی باشقالارینا گؤره یاشاییر دئیه سن. اؤزو اوچون یاشایان بیری اندر گؤرونور و...
اوزون سؤزون قیساسی، توپلوموموز یئنی قوراللار گؤرکمینه گؤز تیکه رک ، دؤنوم نؤقطه سینده دایانمیش کیمی گلیر منه.
قاتیلدیغینیز اوچون تشکر ائدیرم.سیز ساغ من سلامت.
سه شنبه 14 دی 1389 04:31 ب.ظ
سالام سوسن خانیم
یازینیزی اوخودوم دوغروسو ایكی حیس آراسیندا قالدیم هر ایكسی ده خوش حس لر بیرینجی نادیر بی دن یازیم دیل بورادا منه گوج وئردی مضمونجا داها دولغون گوردوم بو ایشی. هر نه قدر روایی شعر له راها راضی اولا بیلمیرم آنجاق بو باشقا روایت ایدی ساغ اولسونلار
سیزین ده یازینیزدا آجی حقیقت لرین اولدوغوندان اینجییه اینجییه اوخودوم. كاش كی شعر یازیردیز بلكه ده شعر یازیرمیشسیز بئله آلینیب.
هر حالدا ساغ اولون
سوسن نواده رضیگوجلو قلم صاحیبی، اینجه له ییجی و تنقیدی باخیشلارا مالک اولان حمید آصفی،
اولاً واخت آییراجاق قدر ده یرلندیمه یینیز اوچون منت دویدوغومو بیلدیریرم. سونرا دا تشکر ائدیرم باخیشلارینیزی پایلاشماغینیز اوچون.
نادیر به یین ائتگیله یجی قلمی باره ده سیزینله بیر فیکیرده یم. آلچاق گؤیوللوق ائدیب اونورلاندیریبلار و انصافاً او قدر گؤزل یازیب،منیم نه حیس ائدیب یاشادیقلاریمی تصویره چکیبلر کی، حقیقتاً هویوخدوم ،و سوسماغی تشکر ائتمه یه بئله ترجیح ائتدیم.
هله نادیر به یین یازیسی بللی باشلی قونو، منیم یازدیغیم مؤوضویا اولوملو یاناشماغینیزا سئویندیم. سیزین به یه نیزی قازانماق بیرآز زور اولور دا !
تشکورلریمی بیلدیریرم.

سه شنبه 14 دی 1389 12:58 ق.ظ
مجلس چهلم محمود قبه زرین

روز شانزدهم دی ماه 1389/10/16 از ساعت 6 الی 8 بعداز ظهر

پنج شنبه در مسجد امام جوادالائمه (ع) واقع در تبریز ، كوی ولی عصر

فلكه همافر برگزار خواهد شد.

( ساعت 11 صبح همان روز سر خاك آن مرحوم هستیم )

سوسن نواده رضیآلله غنی-غنی رحت ائله سین ، نور ایچنینده یاتسینلار.
ساغ اولون خبر وئردیینیز اوچون.
دوشنبه 13 دی 1389 11:50 ق.ظ
عزیز و حورمتلی ادبیات سئورلر ، آنا دیلیمیزین قایغیكش‌لری و آذربایجانیمیزین گله جه‌یی ایله بوتون آجی-آغری‌لارا دؤزن وطنداشلاریمیز
بیرنئچه گوندور " سول بیز عونوانلی وئبلاگدا " ایكی نفرین آراسیندا گئدن سوز-گولشدیرمه (اوزوندن راضی ...) بیر آدام و هابئله اوزصینف دوستلارینین آراسیندا عینادكارلیغا مشهور اولان ، جعفربزرگ امین !! ادبیاتیمیزین حاقئندا چالیشان یازیچیلار و شاعیرلریمیزی اویدورما و خوشا گلمیه‌ن ایلگی لری ایله تحقیر ائتمیشدیر .
دیلیمیزین بو قاپالی دوورده اینكیشافا دوغرو قدم قویدوغو و زینه بولاغی كیمی آخان بیر زاماندا ، آنا دیلیمیزده مكتب یاساق اولدوغو بیردوورده ، بئله بیر آجی و آغریلی یاییملار(موصاحیبه آدیلا....!) آنجاق وآنجاق ادبیاتیمیزی بالتالاماقداق ساوایی بیر شئی دییل .
بزرگ امین و اونی بو ایشه تحریك ائدن (هر ایكیسی) بیلمه‌لیدیرلر كی ، بوجور موصاحیبه لر ( دالدادا قرارا گلیب و سونرا بیر-بیرین تعریفله‌مك ) اونلاری مقصدلرینه چاتدیرمایاجاق .
عزیزدوستلار ، بئله سوزلره اویمایین . جنوبی آذربایجاندا ادبیات چتین بیر دووری سووشدورماقدادیر .
بیز همیشه الدوغو كیمی بوتون سیناقلاردان اوزو آغ چیخاجاییق . آرتیریرام كی ، تئزلیكه بزرگ امینین و ... هانسی مقصده قوللوق ائتمه‌سی حاقدا( ماتریال لار اساسیندا )معلومات یایاجاییق .( بوكامنتی یایین دوستلار)
دوشنبه 13 دی 1389 08:05 ق.ظ
سلاملار؛
.............
آرامادان بوش یئره گونشی،
قاچ یاغمورون آلتیندا.
و داللارین قوجاغینا ساریلیب،
دانس ائت روزگارلارین قوللاریندا.
واخت ؛
چوخ گئج دیر!
دالی وئر آی ایشیغینا.
و اولدوزلارلا بیرلشیب،
قارانلیغین قوینوندا دا دانس ائت!
پارلا هاوانین دورولوغوندا
گوزلرینین قاماشدیغی چاغدا.
سن سنین له،
اؤزوندن کئچدیین زامان،
یاغیش کوچه لرینده ایسلان.
بوتون یالنیزلیغینلا.
وگیزله آجیلارینی.
یوزون قیریلماسین،
داشلارین آرخاسیندا!
هله ؛
گون گؤرمه میش دوشلرین،
تانرینین اؤزگور بوراخدیغی روزگارلار کیمی،
یوخلایان اؤزلری اؤپه جک!
و یازیلاجاق دنیزلرین،
چیلقین دالغالارینا!
.........
ساغ اسن قالین.
سوسن نواده رضینه دیلم نه ده قلمیم ایشلیر بو آنلاییش، بو دوشونجه وبو اینجه لیک قارشیسیندا. ساغ اولون دان باشقا نه دئیه بیله رم کی...
یکشنبه 12 دی 1389 10:42 ب.ظ
سوسن نواده رضیرفعت، عزیزیم یورولماییرسان بو قدر منی آلقیشلاماقدان؟!
چپیک چالماقدان أللرین قابار چالاجاق والهی. سنی چپیکلرین قدر، سنی اوره یی نین بؤیوکلویو قدر سئویرم. دوستوموزا ایی باخ،اوره ییم آچیلمیر یاسلار ایچینده گؤرنده عزیز دوستوموزو
ساغ اول!
یکشنبه 12 دی 1389 08:44 ب.ظ
" نقد اوستونده نقد"

جعفر بزرگ امین-ین موهوماتینا جوابیه

http://dushunce.blogfa.com
سوسن نواده رضیاوخودوم یازدیغینیزی ، یورده یوز حاقلی سینیز!
یکشنبه 12 دی 1389 12:00 ب.ظ
سالام درین دوشونجه لی شاعیر و یازیچی س.رضی خانیم، من همیشه سیزین وئبینیزه گلرکن حاق سؤزه، ایناما سوسوز اوره ییمی بیر تهرله سووارمیشام، بو، دوشونجه لی و سیاسال یازغینیزی ایسه دؤنه ـ دوؤنه اوخویوب، هم کؤوره لدیم، همی ده سیزه حاقلی اولاراق، آلقیشلار سوندوم، آنجاق نئیله مک، خلیل جبران خلیل دئمیشکن: ای مریم مردم این دهکده همواره دیگر اندیشان را دشمن می دارند...، یولونوز داواملی.
سوسن نواده رضیسلام توتقون بی،
اومود وئریب دسته ک اولمانیزی آرزو ائدردیم. دیگر اندیش اولاراق ، دشمن سانیلاجاغیمی مژده وئردینیز.
آما من خالقیمین شعورونا اینانیرام. من گله جک قوشاقلارا اینانیرام. من یارینلارین ایشیلتیلی و گؤزل اولاجاغینا اینانیرام و گئرچکدن سئوگییه اینانیرام و منجه، دنیانین قورتولوش یولو، خوشبختچیلیک یولو سئوگیدن کئچیر.
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر





صفحات جانبی
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
امکانات جانبی