تبلیغات
ائله بئله - ساریل منه (در آغوشم بگیر) sarıl mənə
ائله بئله
صفحه نخست       پست الکترونیک          تماس با ما              ATOM            طراح قالب
گروه طراحی قالب من گروه طراحی قالب من گروه طراحی قالب من گروه طراحی قالب من گروه طراحی قالب من
ساریل منه

                         *ائلشن گونشلی*

آچ قول­لارینی،من بویدا اولسون.

ساریل منه سیم- سیخی،

کؤکسوم کؤکسونه دایانسین،

أل­لریم بوینوندا کیلید­لنسین،

باشیم دا قوینوندا اولسون.

و اؤیله­ جه قال...


قال،و قال...

تا کی،

اوناریلسین اؤزلمینده

          ویران اولان اوره ­ییم.

قال دا، اؤیله ­جه قال...

گئدر حضورسوزلوغومو،

اویاندیر باستیردیغیم دویغولاری،

آلیشدیر دا قایناغا گلسین

سئوگییه سوروکله­ ین هر نه می وار ایچیمده.

قال،اؤیله­ جه قال...

سونرا،

سو کیمی لام، ایپک قدر یومشاق

سیغاللا دا یاتیشدیر هیجانیمی،

اوخشا دا ساکین­ لشیم بیر آز.

گؤز یاش­لاریم بیتینجه،

آچا بیلرسن قول­لارینی.

و گولومسه ین دوداقلاریما

بیر اؤپوجوک قوندورا بیلرسن

                    ایسترسن اگر!..


در آغوشم بگیر
                            
*ترجمه: س.رضی*

باز کن بازوانت را
هم اندازه ی من شود.
در آغوشم بگیر سفت و محکم؛
سینه ام به روی سینه ات باشد
دستانم حلقه شوند پشت گردنت
و سرم  در آغوشت فرو رود.
و همانطور بمان...
بمان،و بمان.
تا التیام یابد
دلم که ویران شده در حسرت تو.

بمان، همانطور بمان...
امحا کن بیقراریم را،
احیا کن حسهای سرکوب شده ام را،
بگیران آتشی و به جوشش آور
هرآنچه را که در درونم
                      به سوی عشق می کشاندم.

بمان، همانطور بمان...
سپس،
آرام همچون آب، نرم همچون ابریشم
نوازشم کن و فرونشان هیجانم را
تیمارم کن تا آرام شوم کمی.

بعد، که گریه هایم تمام شد،
می توانی بازوانت را باز کنی
و اگر خواستی،
بر لبان متبسم من
بوسه ای بنشانی!..


SARIL MƏNƏ

Aç qollarını,mən boyda olsun
sarıl mənə sım-sıxı;
köksüm köksünə dayansın,
Əllərim boynunda kilidlənsin,
Başım qoynunda olsun.
Və öyləcə qal...
Qal və qal...
Ta ki onarılsin
Özləmində
          viran olan ürəyim.
Qal da öyləcə qal...
Gedər  huzursuzluğumu,
Oyandır bastırdığım duyğuları
Alışdır da qaynağa gəlsin
Sevgiyə sürükləyən hərnəmi var içimdə.
Qal,öyləcə qal...

Sonra,
Su kimi lam,ipək qədər yumşaq
Sığalla,yatışdır həyəcanımı
Oxşa da,sakinləşim bir az.

Gözyaşlarım bitincə,
Aça bilərsən qollarını.
Və gülümsəyən dodaqlarıma
Bir öpücük qondura bilərsən
               istəyərsən əgər!...

                                        ELŞƏN  GÜNƏŞLİ
                                      ************                                                                                         
                             





نوع مطلب : شعر، 
برچسب ها :
لینک های مرتبط :
          
سه شنبه 7 دی 1389
پنجشنبه 2 مرداد 1393 02:44 ب.ظ
سلاملار و گؤزللیک لر. اللرینه ساغلیق
سوسن نواده رضیتشککورلر
جمعه 4 مرداد 1392 11:07 ب.ظ
سلام اولسون سیز عزیز حرمتله دوستلاروا به گوزل وبلاگوزا سیزدن تشکرمزه بیلدریم منده اوزنوبمده بیر وبلاگ وارمده که چوخ تشکر ادرم سیز گلب بیر وبلاگه یوخلیاسوزsinigkurpu.blogfa.com
شنبه 18 دی 1389 04:32 ب.ظ
اولدوقجا ذوق الدیم چوخ گوز ه ل و دویغولو قادین یازارلی اولان رمانتیك شعیر لرین وورغونویام
سوسن نواده رضیسلام. ذؤوقونوزه ساغلیق. اومارام ذؤوقونوزه اویغون بیر شئی لر تاپمیشسینیز.
ساغ اولون گلیشینیز اوچون و سوندوغونوز سئوگی سیمگه سی، قیرمیزی گول اوچون
یکشنبه 12 دی 1389 11:26 ب.ظ
شعری کاملا احساساتی و برای من بسیار به جا و با ارزش بود چون که اون رو تقدیم همسرم کردم و خیلی زیاد خوشحال شد. شاید حرفهایی در این متن زده شده که من در گفتنشون عاجز بودم اما این متن یاریم کرد تا حرف دلمو به عزیزتر از جانم زده باشم.
با تشکرات فراوان از نویسنده گرامی و مترجم عزیز
سوسن نواده رضینگار جان بونو سندن ائشیتمک نه خوش! سئومک و سئومه یی دیله گتیرمک ،هم ده أن عزیز بیریسینه گئرچکدن انسانا شعف و فرح باغیشلاییر. هئچ اوتانما ، هئچ غرورونا قاپیلما، هئچ چکینمه ، سئوینجه دیله گل ، سئو و سئویل. سئوینجه حیاتین باشقا دادی اولور.
موتلو اول و همیشه موتلو قال.
دوکتوره مندن سلام.
شنبه 11 دی 1389 10:04 ق.ظ
سلام.
چوخ رمانتیک شعردی. ایلک دفعه سیزین بو وبلاگدا گوردوم ایللردن بو یانا آختاردیغیم شعری. آخی بوجور شعرلر متاسفانه بیر عده کور تعصب لره راست گلیر. بیلمیرم بعضی لرینین سئوگینن نه مشگللری وار. منجه سئوگی یاشاماق تملی دیر.سئوگی تانری نعمتی دیر . بعضی لری بوجور موضولاردا شعر یازماغا گئج اولوب دییللر. تعجب ائلدیم. بوجور آداملارا گره ساواشدان یادا اولدورماخدان زاددان یازاسان تا بلکه اولارین نظرینده خوش اولا.منیمجه سئوگیه یان باخان آدامنان گرک قورخاسان. آخی اورکده سئوگی اولماسا انسان هر ایش گوره بیلر. اوره یی یوموشالدان سئوگی دیر و اگر اورکده سئوگی اولماسا اورک قساوته دوشر.هر حالدا منیم نظریمه هر کیم سئوگییه گئجدیر دئسه اوزو بلکه چوخ گئجده قالیب.
اورگیز سئوگیسیز قالماسین
سوسن نواده رضیسلام یاکاموز
سئچدیینیز آددان آشیری رومانتیک اولدوغونوز بللی اولور. بو شعره به یه نییله یاناشماغینیزدان دا تشکور ائدیرم،آنجاق کیمیلری بو یازییا شعر دئیه مم سؤیله ییر. من بو صمیمیجه ایفاده اولونان سؤزلرده اؤزلملری سئوگیلیسی نین قوجاغینا سیغیناراق نئجه گئدرمه یی حیس ائدیب یاشادیم، ایستر بو سؤزلر شعر اولسون یا دا نثر اولسون یا دا هئچ بیریسی نین مداریندا گزمه سین.
نه ایسه ،من هله ده بئله دوشونورم کی توپلوموموز روح خسته لیگی کئچیرمکده دیر. سئوگی تماما اونودولموش ، یادیرغانمیش کیمی دیر. سئومه یی باشاران بئله یوخدور دئسم یانیلمامیشام.
اوزون سؤزون قیساسی، گلیب اوخویوب به یندیینیزه گؤره منت دویدوم.
سایغیلار.
پنجشنبه 9 دی 1389 10:12 ب.ظ
سالاملار
نئجه سیز ؟
گؤزلدیر
سوسن نواده رضیعلیکم سلام.
ایی یم، سیز نئجه سیز؟!
کؤنلونوز گؤزلدیر، باخیشینیز گؤزلدیر.
گوللرینیز ده گؤزلدیر، آرخاداشلیق بیچه مینیز ده اؤیله!!!
گلیب وئبینیزی گزیشدیم، او دا گؤزلدیر!
پنجشنبه 9 دی 1389 08:05 ق.ظ
سالام حؤمتلی س. رضی خانیم، اؤنجه ائلشن خانیمی، تانیمامادیغیمدان دولایی عوزور دیله ییرم، بیر زامان اوستاد شهریار آدینا ادبی انجمنه گنج بیر شاعیر گلدیینه گؤره بئله دوشوندوم کی، اونلاردیرلار، ائله جه ده، به ی خطاب ائتدییمه سبب اولموشدور. سیزین بویوروغونوزا گؤره بیر کره یوخ، ایکی دؤنه بو گؤزه ل شعیری زمزمه ائتدیم، اگرچی، ایلکی گلیشیمده دؤنه دؤنه اوخوموشدوم، سیزدئمیشکن بو رئال سئوگی و سئویم کوچه لرینی دولاشماق، شاعره بیر خانیمدان داها حئرت ائدیجی دیر، سیزین ایسه تدبرانه چئویرمه نیز، آرتیق آلقیشلارا لاییق دیر، بیر داها سیزه و ائلشن خانیما یولونوز داواملی دئیه، اوغورلار دیله ییرم.
سوسن نواده رضیسلام و حؤرمتلریمی سونورام توتقون بی.
زحمته دوشوبسونوز. هم التفاتلارینیز اوچون، هم گلیب وئبیمی بارلاندیردیغینیز اوچون تشکرلریمی بیلدیریرم.
ساغ اولون ، یولونوزو گؤزلمه یه، گؤروشلرینیزیی دینلمه یه آلیشمیشیق،هم من هم ده اوخوجو دوستلاریم.
مین یاشایین.
چهارشنبه 8 دی 1389 11:56 ب.ظ
salam
baazan kilasik mazmunlu sherlari ras galirik ki takca formasi avaz olub. qocagla mani - bashini qoy chiynima- va bu kimi mazmonlar. manca daha bunlara gecdir. bilmiram na olub ancaq sizin blogdan bu sheri oxumaq istamazdim
sag olun.
سوسن نواده رضیhörmət dolu səlamlarımı sunuram böyüklüyünüzə.
təşrifinizlə şərəf verdiniz.
heç başa düşmədim nəyin niyə gec olduğunu! Adəmdən- xatəmə qucaqlamaq və başı ma`şuqun çiyninə yaslayıb təskin bulmaq varimiş, vardır, var olacaqdır da. şeirdə asla və asla köhnəlməyən bir məzmun varsa, o da sevgidir.
mən belə düşünürəm və sizin də düşüncə tərzinizə saygı duyuram. həm də real,doğal və içdən sevginin, xüsusilə qadin dilindən olanına azaraq rastlandığıma görə, bundan böylə bu məzmənlara daha da özən göstərməyə qərarlıyam. xoşlamayanlar ola bilər,lakin mən xoşlayanların sayısının daha çox olacağına inanıram. yadırğanan duyğuları yadlara salıb yenidən doğmalaşdırmaq istirəm.
gəlişinizlə başımı uca elədiniz, hər çənd ki rizayətiniz cəlb olunmayıb.
sağolun
چهارشنبه 8 دی 1389 10:07 ب.ظ
سالاملار سوسن خانم
بو رئال و سیجاق بیرسئوگی شعری اولدوغونا امینم ائلشن خانم تام جسارت وصمییتله خیالی
بیر سئگیلیله یاناشاراق ایستی و یوموشاق اورکلرین بیر-بیرینه یاناشدیراراق اوپوجوکلرین شیره سین چکه بیلیبدیلر و بیرله شیملر تام شعر سللیکله دوغما و گونسل اولدوغونو آیدین جاسینا گؤزه چکیرلر بو آرادا سوسن خانم گوجلو قلم و شاعیرانه باخیشلاریلا
اؤز چئویرمه سینده شعرین داها گوجلو،رئال،
صمیمی، سیجاق وگونسل اولدوغونو ثابت ائله ییبدیلر شعره گؤره اؤرتوکسوز دانیشدیغیمدان منی باغیشلار سیز.

سوسن نواده رضیسلام جناب مسعود اسلامی.
همیشه کی کیمی نزاکتلی الطافینیزلا تشریف گتیرمیشسینیز.
اؤنجه اؤرتوکسوز دانیشدیغینزا گؤره چوخ ساغ اولون . اؤرتوکسوز سؤزلر داها رئال و ایچدن اولور،کئشکی داوام ائده لیم هامیمیز بو گئدیشی.
شاعیرین طرفییندن بیر سؤز سؤیلیه مم، آنجاق بیر شئی عاغلیما گلیر، «خیالی بیر سئوگیلی» نی هاردان جیخارا بیلدینیز؟
ندن گئرچک سئوگیلی دئییل ده، خیالی بیریسی دیر سیزجه ؟ منیم عاغلیما هئچ بئله بیر شئی گلمه دی آخی اوخویونجا، اونون اوچون ده ماراقلانیرام.
حیس لرینیزی پایلاشدیغینیز اوچون ساغ اولون.
چهارشنبه 8 دی 1389 07:17 ب.ظ
ایکی حورمتلی قادیندان بوقدر گوزل اورتاق ایشی گوردوکده قادین اولدوغوما گوندیم
اللریزه ساغلیق
سوسن نواده رضیسلام آلما باغی نین باغوانی، عزیز بنفشه خانیما!
عزیزیم، گووه نیله جک، غره لنه جک، فخر ائدیله جک سیز ضیالی دوشونور گنجلریمیزسینیز. بیزلر ده سیزین قوللوغونوزدا، ألی قولتوقدا دایانان قوللوقچویوق.
گلیشینیز اوچون، گؤروشونوز اوچون ، هم ده سوندوغونوز سئوگی سیمگه سی اولان گوللر اوچون تشکر ائدیرم. سیز ده ساغ اولون.
چهارشنبه 8 دی 1389 03:50 ب.ظ
سوسن نواده رضیمتشکر از ابراز لطف و محبتتان
چهارشنبه 8 دی 1389 11:50 ق.ظ
سالام سایین شاعیر س خانیم، بو
گؤزه ل و بدیع شعیرده گئده ن تئم لر اوجومله دن ایستک، سئوگی، سئویم، رییاسیز عشق و جساره تلی هنر...
گئرچکدنسه حئیران ائدیجی دیر. مغرور ـ مغرور، ویقارلی دغلار کیمی یورغونلارا سیغیناجاق وئرمک نه ده گؤزه ل دیر.
آچ قول­لارینی،من بویدا اولسون.

ساریل منه سیم- سیخی،

کؤکسوم کؤکسونه دایانسین،

أل­لریم بوینوندا کیلید­لنسین،...

هم ائلشن به ی، همی ده سیزه آرتیق اوغورلار دیله ییرم.
سوسن نواده رضیسلام سایقی ده یر توتقون بی. ائلشن گونشلی خانیم شاعیره و قلمداشلاردان دیر . فیس بوکدا دیر.
ائلشن هم ائرکک هم قادین آدی اولدوغو اوچون سیز ده یانیلمیشسینیز.
بیر ده اوخویون لطفا ، سانیرام باشقا داد آلاجاقسینیز. بو قوشوغون قوشوقچوسونون قادین اولدوسونو بیلینجه ، سانیرام جسارتلی هنرین آنلامی قات قات چوخالیر . منه کی، اؤیله گلیر.
حؤرمتلریمی سونارام
چهارشنبه 8 دی 1389 11:31 ق.ظ
سلام لار ؛ سایقی لار
سیزین بو اوروتیک شعرینیزی اوخودوم . گوزل و اینجه دیر . بیزیم ادبیاتیمیزدا نه ایسه اوروتیک شعرلرین یئری بیر اوقدر دولو دئییل تاسف له . بو بیر سطیرلیک یازیدا نئجه اوز تشکر لریمی آخی بیلدیرمک اولار ؟
سوسن نواده رضیسلام همراز بی،
به یندیینیزه سئویندیم. من ده سیزین کیمی دوشونورم و دوغال و رئال دویغولارین یئرینی بوش گؤرورم چاغداش ادبیاتیمیزدا .بلکه ده جماعتین ائله باشی قال اولوب دنیا و ما فیهایا ،کی، آللاهین سئوگی دئییلن أن گؤزل تعمتینی یاددان چیخاریبلار. یا دا گئرچکدن سئومیرلر.نه بیلیم.
من ده سیزدن تشکر ائله ییرم فیکرینیز و گؤروشونوزو هر زامان بیان ائدیب هم پایلاشیرسینیز هم ده منه قیلاووز اولور نظرلرینیز.
چهارشنبه 8 دی 1389 10:41 ق.ظ
سلاملار؛
بو شاعیردن بیر نئچه شعیر ده وئبلاگینیزدا اوخوموشام. کیم اولدوغونو تانیمادیغیما رغمن، دویقولارینین دوغمالیغی، اونو تانیش کیمی گؤستریر منه! قلمینده کی جسارت و ایشیلتیلی گؤزلرینده کی سیجاق محبتی ،شعرینده آپ آیدین اؤزونو گوسترمکده دیر.
بعضا دئییرم کئشکه اورکدن آخان شلاله لرین یولونو مصلحت کیمی چانقیللیقلار کسمه سئیدی. بعضا ده شلاله لرین سسینی ائله او چارچانقیللار چیخاردیغینی دوشونورم.
شعیر چوخ گؤزل باشلییر. آچ قوللارینی من بویدا اولسون دئیینده شاعیر، ایلک اونجه اؤزونون بیر دونیا کیمی بویوکلویونو، سونرا ایسه سیغیناجاغینین دا، دونیا قدر گئنیشلیینی گؤزلجه سینه اوخوجویا سئزدیره بیلیر. یارادیلیشین تملی سئوگی و محبتدیر، و ائله جه هر یاراتیق، سئوگی و محبت کیمی ایکیز و بو ایکیزلیین آراسیندا کی جاذبه نین بیر بیر لرینه مکمل اولماسیدیر و شعرین آخیشی، بونو شیرین شیرین داددیریر اوخوجویا.
یاشاسین ائلشن
ساغ اولون و اسن قالین
سوسن نواده رضیسلام نادر بی
سیزین شعرلره یازدیغینیز تفسیر و آچیقلامالار هپ شعرین اؤزوندن داها مکمل اولور. سیز تفسیر ائتدیکدن سونرا شعری اوخویوب باشقا داد آلیر انسان.
دوغرو بویورسونوز، دوغال و ایچدن دیر و رومانتیزم ایجه ریکلی بیر پارچا دیر، ذاتاً من ده بو خوصوصیتلرینه گؤره سئچیب وئبیمه یوکله میشم. سئومه یی اولدوغو کیمی ساده و صمیمی بیان ائتمه سی گؤزل دیر منجه.
ندنسه بیزیمکی لر سئومکدن سؤز آچیب دانیشماغا اوتانیر، مقید اولورلار. من دئییرم کی، سئوگی نی آلله یاراتماییب می؟ بیزی سئومه یه چاغیرماییب می؟ تعالی نین یولو سئومک دیر دئمه ییب می؟ بس بیز نه دن قاچقین دوشموشوک سئوگی دن، سئومکدن؟..
ساغ اولون پایلاشدیغینیز اوچون
سه شنبه 7 دی 1389 11:08 ب.ظ
سوسن نواده رضیسنین آلقیشلاری نین باشقا دادی وار.
هم شیرین ،هم دوزلوسان، هم ده مهربانلیغین سیمگه سی، دوستلوغون أن ایی اؤرنه یی.
عائله یه مندن سلام سؤیله.
سه شنبه 7 دی 1389 10:50 ب.ظ
سوسن نواده رضیواخت آییردیغینیز اوچون ساغ اولون ائلیمیزین ضیالی قیزی!
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر





صفحات جانبی
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
امکانات جانبی