تبلیغات
ائله بئله - آزربایجان فولکلوریک گئییملری سرگیسی
ائله بئله
صفحه نخست       پست الکترونیک          تماس با ما              ATOM            طراح قالب
گروه طراحی قالب من گروه طراحی قالب من گروه طراحی قالب من گروه طراحی قالب من گروه طراحی قالب من

آزربایجان فولکلوریک گئییملری سرگیسی؛ تبریز- مجتمع فرهنگی- سینمایی 22 بهمن- ائلبیلیمی موسسه‌سی‌نین همتی و «بنیاد فرهنگ و هنر و ادب آزربایجان»ین ایش‌بیرلیگی ایله قورولان گئییم سرگیسی. بو سرگیده خانم رقیه غفاری‌ اورمیه‌دن، و خانم نفیس سینافر یاسوجدان، خانم رویا راک و بیر نئچه آیری هنرمند خانم تبریزدن تاسارلاییب تیکدیکلری گؤزل و ماراق چکیجی یئرلی آزربایجان گئییملری ایله قاتیلمیشدیلار. خانم دکتر احمدی‌یه (رئیس بنیاد فرهنگ و هنر و ادب آزربایجان) بو سرگینی دوزنلمه‌میز اوچون اللریندن گلن یاردیمی ائله‌دیکلری اوچون سونسوز تشکرلریمیزی سونوب بو سایاق کولتورل چالیشمالارین آردینین گلمه‌سینی دیله‌ییریک.

آزربایجان گئییم‌لری




انسان چوخ اوزون زامانلاردان بری اَیین باشینی و گئییملرینی تهیه ائلمک اوچون چئوره‌سینده اولان امکاناتدان استفاده ائلمک فیکرینه دوشوب و گئت گئده گئییم‌لرینی گلیشدیریب لازم اولان ده‌ییشیکلیکلری اعمال ائله‌ییبدیر. 
پالتارلار، انسان‌لارین اجتماعی و جغرافیایی موقعیت‌لرینی، سیاسی و مذهبی دوروم‌لارینی، ایش- پئشه‌لرینی و مادی دورومونو گؤرسه‌در. 
گئییم‌لر، مادی و معنوی فرهنگین چوخ چتین و اوزون سورَن توسعه مسیری‌نین نتیجه‌سینده یارانان بیر ملی وارلیق دیر.
آذربایجانین گئییم‌لری آذربایجانلی‌لارین مادی فرهنگینی، و اونلارا مخصوص اولان خصوصیت‌لری گؤرستمکده دیر و جماعتین درین و محکم قومی نشانه‌لرینه عایددیر. جماعتین قومی، تاریخی نیشانه‌لری، هنری یارادیجیلیغی‌نین خصوصیت‌لری، اونلارین مختلف زمان‌لاردا و حال‌لاردا شکل تاپمالاری، هنری نقش و نگارلاری، جماعتین گئییم‌لرینده منعکس اولوبدور. آذربایجان بیر زمانلار یاخین شرقین ان بؤیوک ایپکچیلیک مرکزی کیمی تانینیردی و بیر زامان‌لار اوسکو شهری ایپکچیلیقدا شهرتی‌نین زیروه‌لرینه چاتمیشدیر. بو شهرده ایندی ده کالاغئی آدلانان، ایپکدن چوخ گؤزل ناخیشلی و ظریف باش اؤرپک‌لری تولید اولونور.
آذربایجان گئییم‌لرینین فورمو و بیچیمی اونون اییه‌سی‌نین عایله وضعیتینی و یاشینی گؤرسه‌دردی. خانم قیزلارین گئییم‌لری ائولی خانم‌لاردان فرقلی اولاردی. جوان قیزلار داها پارلاق و رنگلی گئیینردیلر. یا مثال اوچون، کیشی گئییم‌لری گئییمیم اییه‌سی‌نین صینیفینی گؤرسه‌دردی.
اوشاق گئییمی بیچیم اولاراق بؤیوک گئییمی ایله بیر اولاردی و فقط بعضی خصوصیت‌لری و اؤلچوسو فرقله‌نردی.
آذربایجان خانم گئییمی 19نجو و 20-نجی عصرین اول‌لرینده آلت و اوست گئییم‌لردن عبارت ایدی. اوست گئییم «چیین اوستو» و «بئل اوستو» گئییمیندن عبارت ایدی. چیین اوستو گئییمی: اوست کؤینک، آرخالیق، چَپکَن-دن عبارت ایدی. اوست کؤینک، دوز بیچیملی، چیینی تیکیشسیز و رنگارنگ قولتوق‌آلتیندان عبارت ایدی. بو کؤینک‌لر معمولا ایپک و تافتادان اولاردی.
چَپکَن، چیین اوستو، استارلی و یالانچیق قوللاری اولان خانم اوست گئییمی دیر. بو گئییم تیرمه‌دن، مخمردن و دوروملو ایپم قوماشدان تیکیلردی.
آرخالیق؛ چیین اوستو، اوزون، بئلی اینجه گؤده‌جک‌دیر (ژاکت دیر).
لَبباده؛ چیین‌اوستو اوست گؤده‌جک‌دیر (ژاکت‌دیر). بو گئییم سیریقلی آستاردا اولور، تیرمه‌دن، مخمردن و آیری قوماش‌لاردان تیکیلردی.
گؤده‌جه، باهاری، کوردو و ائشمک ده خانملارین اوست گئییم‌لریندن ایدی.
خانم‌لارین بئل اوستو گئییم‌لری، بیر نئچه توماندان، جوتبالاق‌دان و چاخچوردان عبارت ایدی. شهرلرده خانم‌لار ائودن چیخاندا تومانین اوستوندن چاخچور گئیردیلر. 
کیشیی گئییم‌لری، اوست کؤینک، آرخالیق، قابا و چوخادان(چیین اوستو) عبارت ایدی. 
اوست کؤینه‌یی؛ چیین اوستو، دوز بیچیملی، چییینی تیکیشسیز و رنگ به رنگ قولتوق‌التیندان عبارت اولان گئییم دیر. 
آرخالیق؛ چیین‌اوستو، اوزون، بئلی ائنسیز گؤده‌جک (ژاکت) دیر. آرخالیق‌لار ایپک، اطلس، کشمیر، ماهود، ساتین و باشقا پارچادان تیکیلردی.
قابا؛ کیشی چیین‌اوستو گئییمی‌دیر و معمولا تیرمه‌دن تیکیلردی.
چوخا؛ ایچی تولکو قویون دری‌سیندن تیکیلمیش و دویمه‌سیز اولار. 
مختلف باش گئییم‌لری و باشماق‌لاردا گئییم‌لرین سیراسینداساییلیر. زرگرلرین یاراتدیقلاری زرگرلیک محصول‌لاری دا ملی گئییم‌لره داخل دیر. خانم زرگرلیک محصول‌لاری دا اونلارین طبقه‌لرینه اویقون اولاراق باش، بویون، قولاق، بئل، سینه، بیلک حیصصه‌لرینه تاخیلیر.
خانم‌لارین باش گئییم‌لری پارچاسینا، رنگیه، گؤزل‌لیگینه و فورمونا گؤره چوخ متنوع و جالب‌دیرلر؛ ایپک کالاغئی، چالما، نازنازی، تَسه‌ک، لَچه‌ک، اؤرپک، چادیرا و س.. خانم‌لارین باش اؤرتولریندن دیرلر.
باش گئییم‌لری‌نین لاپ یایقین نوع‌لریندن بیر ده ایپک کالاغئی‌ ایدی. قید ائتمک گرک کی، کالاغئیین اؤرتمه‌سینده یاش و اجتماعی وضعیتین فرقلی اولماسینی تاثیری واریدی. یاشلی خانم‌لار آغ، بئژ (آچیق ساری و قهوه‌رنگی)، جوان‌لار ایسه، آچیق گؤی رنگلی کالاغئی اؤرتردیلر. کالاغئی‌لری مختلف جورلرده باغلاردیلار.
قادین باش گئییم‌لریندن بیری ده تَسه‌ک ایدی (اونو قادین پاپاغی دا آدلاندیراردیلار). میرواری پاپاق، قیزیل پاپاق، آی اولدوز ... پاپاغیین نئچه اؤزللیگی واریدی، ساچلاری یاد گؤزلردن ساخلاماق، ساچلاری سهمان ساخلاماق، و بیر ده بو کی، اوستدن باغلانمیش ایپک یایلیق سوروشمه‌سین. هم تَسه‌ک هم ده یایلیق‌لار بزه‌نیلیردی. اونلارین اوستونه میرواری، مؤهورلنمیش قیزیل میشان‌لار دوزردیلر یا دا قیزیلی تیکمه‌لی ناخیش‌لا بزه‌ردیلر. یاشلی خانم‌لار تَسه‌یین کنارلارینی بافتا و یا گولابَتین‌له بزه‌ردیلر. تَسه‌یین اوستوندن بؤیوک ایپک و یا پامبیق یایلیغین بیر اوجونو ساللاییب قالان اوج‌لارینی آرخادا دویونله‌یردیلر. 
باش سارغیسی، چوتقو توند رنگلی پارچادان تیکیلردی. چوتقویلا ساچ‌لاری و یا هؤروک‌لری ییغیاراق اونلاری آرخادان ساللاردیلار. بئله‌جه اوده و چؤلده ایش زامانیندا راحات اولاردیلار. 
وار دولتلی خانم‌لار نازنازی، یا غازغازی کیمی اؤزل مراسمده تاخیلان باش گئییمی ده متداول ایدی کی قیش واختی باشی باغلایاردیلار یا دا چیین اوستونه ساللایاردیلار. 
باش گئییم‌لریندن چالما و دینگه ده واریدی. چالمانی باشا باغلانمیش یایلیغا و یا عاراقچینا سارییاردیلار.دینگه‌نین باغلانماسی اوچون شالدان استفاده اولوناردی.
خانم باش اؤرتولریندن ان ساده‌سی، لچه‌ک ایدی. لچه‌یی ائو ایش‌لری زامانی، یا دا باشا حنا قویاندا باغلاردیلار. 
شهرلرده خانملار ائودن چیخاندا بوتون بدنی اؤرتن چادیرا گئیردیلر. کندلی خانم‌لار چادیرانی چوخ نادیر حال‌لاردا، کنددن اوزاق مسافه‌یه گئدنده اؤرتردیلر. باش اوچون یایلیق‌ (یاشماق) لا آغزی و بورنون بیر حیصه‌سینی اؤرتمکله کفایت‌لنردیلر. وارلی خانم لار اطلس، کاسیب‌لار ایسه ساتین، بئزدن چادیرا اؤرتردیلر. چادیرایلا یاناشی شهرلرده بعضی خام‌لار گؤزلرینی تورلا اؤرتردیلر.
کیشی باش گئییم‌لری؛ آذربایجانلی‌لاردا پاپاق جسارت، لیاقت و شرف حساب اولونوردو. اون ایتیرمک بؤیوک روسوایچیلیق ساییلیردی. پاپاق و اونون شکلینه گؤره اونون صاحبی‌نین اجتماعی وضعیتی معین اولاردی. کیشی‌لر پاپاغی باشدان چیخارتمیردیلار مگر نامازدان اول، دستماز زامانی. اجتماعی یئرلرده باش گئییمی اولمادان گوروشمک رسوایچیلیق ساییلیردی.
آذربایجاندا باش گئییم‌لری‌نین بو نوع‌لاری موجود ایدی:
باشلیق، عاراقچین، تَسه‌ک، تَسقولاخ، عمامه، توربان (چالما)
خانم و کیشی باشماغی:
آذربایجانلی‌لار، خصوصا کندلی‌لر آراسیندا ان چوخ یاییلمیش باشماق نوعو چاریق ایدی کی گؤندن یا دا دری‌دن تیکیلردی. چاریق‌لاری یون جوراب‌لارین و یا پامبیق پارچادان دولامالارین اوستوندن گئیردیلر. بیر نئچه چاریق نوعونه راستلانیلیر: تک بورون، شیرازی، قیزقایتاران، شاطیری، قوشبورون، شیروانی، کالمانی، شیرمانی و س... چاریق لار ایکی نوع باغلا باغلانیردی: یا توخونما باغ ی دا ائشمه باغ. گئییلن جورابین نوعونا گؤره بو باغلارین اوزونلوغو 150-130 سانتیمتره چاتاردی. 
آیری بیر باشماق نوعو یونگول چووه‌ک (چوست) ایدی. چوست قارا توماجدان تیکیلردی و اونلاری اساسا ائوده گئیردیلر. شهرلرده ان چوخ یاییلمیش آیاق‌قابی نوعو دابانلی (پوللو باشماق، مخمری باشماق) ، دالیسی اولمایان، دیک بورونلو دری باشماق ایدی. اونلاری شهرلرده باشماقچیلارا سفارش وئرردیلر. اونلاری هم کیشی‌لر هم ده خانم ‌لار گئیردیلر. 
هم کیشی و هم خانم‌لار ناخیشلی یون و پامبیق جورابلار گئیردیلر. آذربایجاندا ائله بیر یوخ ایدی کی اوردا جوراب گئیمه‌سینلر. اونلاری خانم‌لار توخویاردی، بونون اوچون هم قویون هم ده دوه یونوندان استفاده اولوناردی. سویوق فصیل‌لرده اوزون بوغاز و سیخ جورابلار کئیردیلر. ملایم فصیل‌لرده قیسا بوغاز جورابلار توخوناردی. جورابلار چوخ گؤزل ناخیشلارلا توخوناردی، بعضا خالچا ناخیش‌لاری ایله توخویاردیلار. کیشی جورابلاری بیر رنگ یا دا ساده ناخیشلی، خانملارین جورابلاری پارلاق، چو رنگلی و گؤزل رسملی توخوناردی. جورابلاری باغلاماق اوچون همن یون ایپدن قوتازلاری اولان باغدان استفاده اولوناردی.

«رسیملری چکن: سایین رحیم قابل نژاد»




نوع مطلب :
برچسب ها :
لینک های مرتبط :
          
شنبه 12 دی 1394
پنجشنبه 10 اسفند 1396 05:05 ب.ظ
ضرب و شتم بزرگ من امیدوارم حتی زمانی که شما وب سایت خود را اصلاح می کنید، شاگردی کنید، چگونه می توانم برای یک وبلاگ اشتراک گذاری کنم
سایت اینترنتی؟ حساب من یک معامله اجباری را به من داد.
من کمی از این پخش تلویزیونی به شما خبر داده ام که ایده واضح درخشان است
چهارشنبه 27 دی 1396 10:05 ب.ظ
سلام! این اولین نظر من است، بنابراین من فقط می خواستم فریاد بزنم و به شما بگویم
من واقعا از خواندن مقالات شما لذت می برم. آیا می توانید سایر وبلاگ ها / وب سایت ها / انجمن هایی که با موضوعات مشابه در ارتباط هستند را پیشنهاد کنید؟
خیلی ممنون!
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر





صفحات جانبی
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
امکانات جانبی