تبلیغات
ائله بئله - قولچاق سرگیسی
ائله بئله
صفحه نخست       پست الکترونیک          تماس با ما              ATOM            طراح قالب
گروه طراحی قالب من گروه طراحی قالب من گروه طراحی قالب من گروه طراحی قالب من گروه طراحی قالب من
رسیم‌لری چکن: سایین رحیم قابل نژاد


تبریز- مجتمع فرهنگی- سینمایی 22 بهمن- ائلبیلیمی موسسه‌سی‌نین همتی و «بنیاد فرهنگ و هنر و ادب آزربایجان»ین ایش‌بیرلیگی ایله قورولان الیاپیمی اولان قدیم قولچاق‌لار.بو نفیس و تایسیز مجموعه‌نین یارادانی رحمتلیک صدیقه خانم یعقوب‌زاده‌دیر، و ده‌یرلی قیزی‌نین طرفیندن سرگیلنمک اوچون فولکلورچو خانیملارین اختیاریندا قویولوبدور.

خانم صدیقه یعقوب زاده، 1314 گونش ایلینده تبریز شهرینده آنادان اولوب آنا، آتا‌ و قارداشی کناریندا اوشاقلیغین شیرین دؤورانینی سوودو. گنج یاشلاردا ایکن، آتاسی‌نین وفات ائله‌دیگینه گؤره آنا و قارداشی‌نین مسئولیتینی بوینونا آلمالی اولوب، آموزش و پرورش‌ده استخدام اولوب شریف معلم‌چیلیق ایشینه باشلادی، و اونونلا یاناشی، اؤز هنری چالیشمالارینی دا داوام ائتدیردی. 
اؤز دئدیکلرینه گؤره، «سینگر» آدلی خیاطلیق چرخی‌نین بیرینجی مدلی‌ ایله تیکیش تیکمه‌یه، گول تیکمه‌یه و سنتی قولچاقلار ایله ال قولچاقلاری دوزلتمه‌یه باشلادی. او، هم بو قولچاقلارین دوزلتمه‌سینی مدرسه‌ده اوشاقلارا اؤیردردی، هم ده قولچاقلارینی ماراقلانان اوشاقلارا پایلاردی، بئله‌لیکله هم اونلاری قولچاق دوزلتمه‌یه تشویق ائدردی، هم ده اونلارین اورکلرینی سئویندیرمیش اولاردی.
خانم صدیقه یعقوب زاده‌نین بازنشسته‌لیق دؤورانی دا، اری‌نین خسته‌لیگی ایله بیر اولدو. آنجاق او، اؤز هنری چالیشمالارینی و ال قولچاقلارینی ائوده دوزلتمکله، هم اؤز واختینی دَیرلی گئچیرتدی، هم ده ارینی بو چالیشمالاردا اؤزونه شریک ائتدی و بئله‌جه، خسته‌لیگین اومودسوزلوق دولو آجی تاثیرلیرینی ده آزالتمیش اولوردو. 
او، «سازمان صنایع دستی ایران»-ین بیر چوخ سرگی‌لینده، مشهد، تهران و تبریزده، شرکت ائله‌میشدی، و هئچ بیر زامان ال قولچاقلاری دوزلتمکدن و اؤز فرهنگی- هنری صنعتیندن غافل اولمادی.
حج سفری، بو الهی فریضه‌سینی یئرینه یئتیردیکدن سونرا، ایرانین شمال شهرلرینده بیر سرگی‌یه حاضیرلانیرکن، حق دعوتینه لبیک دئییب، ائلینی و عایله‌سینی، دَیرلی یاد و یادگارلاری ایله، ترک ائتدی.
روحو شاد، یاد و یادگارلاری قالارغی اولسون.





نوع مطلب :
برچسب ها :
لینک های مرتبط :
          
سه شنبه 8 دی 1394
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر





صفحات جانبی
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
امکانات جانبی