تبلیغات
ائله بئله - بیر حیکایه‌دیر، تبریز
ائله بئله
صفحه نخست       پست الکترونیک          تماس با ما              ATOM            طراح قالب
گروه طراحی قالب من گروه طراحی قالب من گروه طراحی قالب من گروه طراحی قالب من گروه طراحی قالب من


باخدیغین بو جامین دالیسیندادیر، تبریز
بیر او قدر آشکار، بیر او قدر گیزلین...
بیر آز یورغوندور
بیر آز دا اوزگون
بیر آز دا اوشویور، سازاق وار هاواسیندا

بیر حیکایه‌دیر، تبریز
بیر به بیر آغاجلارین قولاقلارینا پیچیلداناجاق
گئنه هاممی یاتاجاق
گئنه جیرتدان اویاق قالاجاق
گئنه دئولر اودوزوب یوخا چیخاجاق
گئنه ده
اننه‌مین ناغیللاری قازاناجاق

بیر حیکایه‌دیر، تبریز
گئنه ده تیکان ییغان یوخسول کیشینین
عاغیللی قیزی 
شاه ائوینه گلین گئده‌جک
گئنه ، گوللر آچاجاق باهار گله‌جک
گئنه سیتاره بختی قاره
صبر ائده‌جک
صبیر داشینا یالواراجاق
گئنه دؤزوم بره بیتیره‌جک، دؤزن آپاراجاق

گئنه قارا بَبی‌نین یالانلاری بلله‌نه‌جک
هامی نار قیزلارینین معصومیتینه ایناناجاق
و یئردن اوچ آلما گؤیه اوچاجاق
بیریسی آیین، 
بیریسین گونشین
بیریسی ده بیزیم اولاجاق

دارا
دارا هؤر سازاقلی یئلین پیرپیز ساچلارینی
گولو قونچا درمزلر....
هؤر
سن ساچین اوجونو دا هور...
هؤر
اللرینده‌کی هیجان 
تئل تئل کامان چالسین دویقولاریمی
شان شان اولوب یانان اورکلر، 
گولو قونچا درمزلر....

داغ داغا کیم دئییر یئتیشمز
اوزاقدان اوزاغا یاخینلاشیریق بیز
سنی
قوشوق- قوشوق قوشماغیم گلیر 
شعرین اؤزونه دؤنوشمه‌ییم گلیر
شاعیرلشدیرینجه کؤزلرین بیله‌می،
هؤر
سن ساچین اوجونو دا هور...
گولو قونچا درمزلر....
چال
یامان چالاجاقسان بو ماهنینی سن...

Bir hikayedir TEBRİZ

Baxdığın bu camın dalısındadır, Tebriz

Bir o qeder aşkar, bir o qeder gizlin...

Bir az yorğundur

Bir az da üzgün

Bir az da üşüyür, sazaq var havasında

 

Bir hikayedir, Tebriz

Bir be bir ağacların qulaqlarına pıçıldanacaq

Gene hammı yatacaq

Gene cırtdan oyaq qalacaq

Gene devler uduzub yoxa çıxacaq

Gene de

Ennemin nağılları qazanacaq

 

Bir hikayedir, Tebriz

Gene de tikan yığan yoxsul kişinin

Ağıllı qızı, şah evine gelin gedecek

Gene güller açacaq, bahar gelecek

Gene Sitare bexti qare

Sebr edecek

Sebir daşına yalvaracaq

Gene dözüm bere bitirecek, dözen aparacaq

 

Gene Qara Bebinin yalanları bellenecek

Hamı Nar qızlarının mesumiyetine inanacaq

Ve yerden üç alma göye uçacaq

Birisi ayın

Birisi güneşin

Birisi de bizim olacaq

 

Dara

Dara hör sazaqlı yelin pırpız saçlarını

Gülü qonça dermezler...

Hör,

Sen saçın ucunu da hör...

Hör

Ellerindeki heyecan

Tel-tel kaman çalsın duyqularımı

Şan şan olub yanan ürekler

Gülü qonça dermezler...

 

Dağ dağa kim deyir yetişmez?

Uzuqdan uzağa yaxınlaşırıq biz.

Seni

Qoşuq- qoşuq qoşmağım gelir

Şeirin özüne dönüşmeyim gelir

Şairleşdirince közlerin bilemi

Hör

Sen saçın ucunu da hör

Gülü qonça dermezler...

Çal

Yaman çalacaqsan bu mahnını sen...

 

 

 





نوع مطلب :
برچسب ها :
لینک های مرتبط :
          
چهارشنبه 13 آبان 1394
جمعه 15 آبان 1394 08:50 ق.ظ
سلام لار .تبریز بیر گوزل لیک دیر، تبریز بیر تاریخ دیر ، تبریز بیر یئر دیر کی نه اولی بللی دیر نه ده آخری . عشق اولسون تبریزه . سیزی یوز یاشایین .
سوسن نواده رضیسلام دا بیزدن، سایقی دا بیزدن عزیز استاد، دیرلی آراشدیرماجی، حؤرمتلی رضا همراز. سیزین کیمی بؤیوک انسانلارلا چاغداش اولماقدیر یاشامیما معنا قازاندیران. وار اولون.
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر





صفحات جانبی
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
امکانات جانبی