تبلیغات
ائله بئله - شعرلشمه
ائله بئله
صفحه نخست       پست الکترونیک          تماس با ما              ATOM            طراح قالب
گروه طراحی قالب من گروه طراحی قالب من گروه طراحی قالب من گروه طراحی قالب من گروه طراحی قالب من

رضی:

دوننلر دویونلهنیب یارینلارا

بوراخساق دا، بیزدن ال چکن دئییل

افقده چیرتلایان گونش گولسه ده

بو تئزلیگه گئجه دیز چؤکن دئییل

 

کیمسهلر عمرونو یاشار بویونا

بیز ائنینه دَیر وئرمک ایستهریک

گؤودهمیزی تاریخ بالتالاسا دا

کؤکوموزه دایانار، یئنیلمهریک

 

اسماعیل جمیلی:

آخساساق دا، دایانمادیق یورودوک

ائنییش- یوخوش یوللار بیزی یورسا دا

اؤزسوزلوکده اؤزوموزه سیغیندیق

اؤنوموزده اؤلوم- ایتیم دورسا دا

 

پایلانسا دا یاد اللرده پاییمیز

سورگونلرده سورونسک ده سولمادیق

تالانساق دا، سویولساق دا دیرندیک

اییلمهدیک، اریمهدیک، ییلمادیق

رضی:

دوشمانا درد اولدو قورخمازلیغیمیز

آیاقلاشانمادی، غنیم کسیلدی

تاریخ بویو ایییمسَر اولدوغوموز

وبال اولدو بوینوموزدان آسیلدی

 

یاشام ندنسه بیزلره گولمهدی

زَهَر اولدو آنادان امدیگیمیز

آنجاق اینانجیمیز بیر بایراق کیمی

اوجالاندی، گوجلندی کیملیگیمیز

 

اسماعیل جمیلی:

یاشایا بیلسهیدیک گونو گونونده

دوننلر دوننده دونوب قالاردی

یار یارینا چاتسین دئیه، یارینا

اومودلار- آرزولار کؤرپو سالاردی

 

غم- غصهنین چیخمازیندان قورتولوب

یولسوزلارین یوققوشلارین آشاردیق

سئودامیزدا قالمازیدیق تامارزی

سئوگی سئوینجینی بیر ده یاشاردیق

 

رضی:

کؤرپولر ییخیلدی، آرزولار چؤکدو

گئدن گئتدی، قالانلار قان اودورلار

قاریشدیریب سویو بولاندیرانلار

چالماق اوچون، وارلیقلاری گودورلر

 

سئوگی-سئوینج ندیر؟ چوخدان اونوتدوق

نفس گلیر گئدیر، یاشیریق دئمک

خیالی باسدیردیق، سئودانی آتدیق

اؤلومون پئشیندن قوشوروق دئمک

 

 

اسماعیل جمیلی:

هر آندا آزالیر عؤموردن- گوندن

نئچون آزالماییر غصه، غم، کدر؟

آرزوسون صاباحدا آختاران کؤنول

گئجهنین حسرتین چکیر هر سحر

 

رضی:

بیر اوزو آغلاردیر، بیر اوزو گولر

یئنیش- یوخوشلاردیر عؤمرو دوغرولدان

غم پایی بیزلره بیر آز چوخ دوشوب

بلکه ده بونلاردیر بیزی یوغرولدان

 

اسماعیل جمیلی:

کیمین گناهیدیر، سؤز آچمیرام من

یالان وعدهلرین یاسیندا بو گون

حیاتی یئنیدن باشلاماق اولسا

باشقا جور بسلهرم سئوگیمی بوتون

 

رضی:

یاشام گئدرگیدیر، گئری قاییتماز

چالیش هر گونونو گونونده یاشا

سوچلو تاپماقدانسا، سوچدان اوزاق گَز

سئویب سئویلهرک عؤمرو وئر باشا

 

اسماعیل جمیلی:

حیات کلمه دئییل وعده سؤز دئییل

شیریندیر، آجیدیر، شندیر، کدردیر

رئال اولمالیدیر دئییر ارزولار

یالنیز خیال اولسا، عؤمور هدردیر

 

رضی:

خیالی گؤیلردن ائندیردیک یئره

کتابلارا یازدیق، سازدا دیندیردیک

ساغلام وجدانلارلا، صاف اورکلرله

آرزولاری بیر- بیر عؤمره سیندیردیک

 

اسماعیل جمیلی:

نئچون خیال اولدو سئوگیلیم منیم

نه باهار یالاندیر، نه ده دورنالار

بئله ده انصافسیز قسمت اولارمی

گؤزومده قالانیب بوتون آرزولار

 

رضی:

آرزولار- آرزولار، شیرین آرزولار

گئت- گئده آوازیر، نَساقدان دوشور

اومود دا سنیخیر یاش چوخالدیقجا

سارالمیش یرپاق تک بوداقدان دوشور

 

اسماعیل جمیلی:

اونودا بیلسم ده اؤتن گونلری

سونسوز ارزولارین نیسگیلی قالیر

سئوگیسیز سئویلن، سئون اورگیم

هله ده آلیشیر، هله ده یانیر

 

رضی:

یئمک اولماز گولوم قیسمتدن آرتیق

حق سؤز دانیشانلار سؤزوندن دؤنمز

ساکن گؤرونسه ده یانار داغ کیمی

سون اورکلرین اوجاغی سؤنمز



 





نوع مطلب :
برچسب ها :
لینک های مرتبط :
          
سه شنبه 3 شهریور 1394
جمعه 27 شهریور 1394 12:43 ق.ظ
سالاملار اؤلسون حؤرمتلی شاعیره سوسن باجیمیزا گؤزه ل شعیریندن فایدالاندیخ

سوسن نواده رضیچوخ ساغولون سایین عبادی. دگر وئردیگینیز اوچون تشکرلر/
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر





صفحات جانبی
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
امکانات جانبی