تبلیغات
ائله بئله - قیزیللی علویه خانیم
ائله بئله
صفحه نخست       پست الکترونیک          تماس با ما              ATOM            طراح قالب
گروه طراحی قالب من گروه طراحی قالب من گروه طراحی قالب من گروه طراحی قالب من گروه طراحی قالب من


پینه‌چیدن قاییدیردیم. آپارمیشدیم مامانیمین دابانینی میخلاسین، منیم ده تازا باشماقلاریمی قالیبا سالسین، ایاغیمی وورماسین. قدیم باشماقلار گؤندن اولاردی. نم نئچه آی باشماق آیاغیمیزی ووروب قابار چالیب شیلیم شَهره ائله‌یندن سونرا، باشماغین آز قالا بورنو ده‌لیننه یاخین، راحات- راحات یئرییه بیلردیک او باشماقلارلا. ایندیکی کیمی مین بیر مُدلده باشماق اولمازدی کی او زمان.
آتدادیم خیابانین او اَلینه. ملیحه خانیمین قیزی کوبوش، یئیین- یئیین گئدیردی. من ده یئیینله‌دیم اونا چاتام. یوخ، اونا باخام. او، سیپاهی دانش ایدی. سربازی رنگده فرم (دویمه‌لی کؤینک و دیز اوستوندن اتک) گئیمیشدی اَینینه، باشینا دا سیپاهی دانش بؤرکو قویموشدو. عاغلیم گئدیردی دااا... فکرلشیردیم من ده بؤیویوب بئله گئیینه بیله‌جام بیر گون. جان آتیردیم کوبوشه یئتیشم، چئگان ممد قاباغیمی کسدی.
چئگان ممد توکانی‌نین قاباغیندا میوه صاندیقلارینی یئر به یئر ائلیردی. منی گؤرجک دئدی:
-باباوا دئنه بتر گرمح‌لر گتیمیشم. قولو حامبالدان گؤندررم گلر. 
-یاخجی- دئدیم، تیر- توپ قاچدیم کوبوشه یئتیشم. ویرقین قالمیش ائله یئیین گئدیریدی، دئیه‌سن ایت قووالیرلار دالیسیجا. کیریخدیم آیاغیم ایلیشدی اژدر قصابین توکانینین هئره‌سینه. اوزوم اوسته سره‌لندیم یئره. دیرسه‌ییم سییریلدی، دیزیمین گؤزو قانادی... دوردوم، اوست باشیمی سیلکله‌دیم، داغینیق تئللریمی گؤزومون اوستوندن چکدیم قیراغا. "بی زاد اولمادی؟ بی زاد اولمادی؟"- دئیه ال ایاغینی داغیتدی بیر نئچه نفر. "دا نولاجاق؟" دئدیم. "لَختی شئییت اولدو قول قیچیم!" دئییب بویلاندیم گینه کوبوشه ساری. ایتمیشدی گؤزدن. ایزی توزو گؤرونموردو آرتیق. 
سویو سوزولموش گینه خیابانی آتدادیم، گیردیم کوچه‌میزه. اوزاقدان حاجی غلامحسین عصاسینی یئره دؤیه- دؤیه گلیردی. اونو سئوردیم. منی گؤرنده الینی آتیب جیبیندن اوچ دؤرد دانا مامپاس چیخاردیب وئرردی منه. خیابانیمیزین باشیندا قنادی توکانلاری واریدی. یارالاریم گؤینور... اوشاقلار دا کوچه‌ده یوخ... قاپی دریوب قاچماغا دا اینجاریم یوخ... بیردن گؤردوم آرخامدان ایاق سسی گلیر. دؤندوم باخدیم، قیزیللی علویه!!! 
قیزیللی علویه (مینجیقلی علویه ده دئیردیلر)، آلچاق بویلو، اوزو قیریشلی، یاری دلی بیر آرواد ایدی. ساچلارینی قیپ قیرمیزی بویاردی، قیرمیزی تئللرینی ده دوزردی آلنینا. الینه گلن تئل سانجاغی، یاخا گولو، اوزوک، بیلرزیک، میر- مینجیق، نه بیلیم تاخمالی هر نه کی وار بولان- سولان تاخاردی، چادراسینی سالاردی باشینا، اوجلارینی بئلینده برکیدردی، دوشردی تبریزین کوچه لرینی دولان با دولان دولاناردی. هامی اونا زیر- زینقیر نذیر دئیردی. دئیردیلر نذیری قاییتماز. چادیراسی زادی کهنه‌لسه‌یدی، جماعات اونا چادیرا وئرردی. آنجاق گرک یا قیرمیزی یا دا آچیق رنگ اولایدی. قارا پالتاردان زهله‌سی گئدردی. یاس اولان یئره دولانمازدی. دئیردیلر اؤلومدن قورخار، اؤلودن باغری چاتلار و اؤلومدن دانیشماق دا توکانی دیر. من ده کی، دیرسه‌ییم – دیزیم قانلی... نه آلدیم، نه ساتیم، تییییییر اوزاندیم یئره، دئدیم "ائیواااای من اؤلدوم!"
دا تعریفه گلمز نه‌لر اولدو کوچه‌میزده، بیلنلر بیلیر...............






نوع مطلب :
برچسب ها :
لینک های مرتبط :
          
پنجشنبه 28 خرداد 1394
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر





صفحات جانبی
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
امکانات جانبی