تبلیغات
ائله بئله - قاجار موزه‌سی
ائله بئله
صفحه نخست       پست الکترونیک          تماس با ما              ATOM            طراح قالب
گروه طراحی قالب من گروه طراحی قالب من گروه طراحی قالب من گروه طراحی قالب من گروه طراحی قالب من

قیزاران آیین (خرداد)21- نده «آذربایجانین فولکلورچو خانملاری»نین دعوتی ایله، قلم- هنر- ائلبیلیمی ماراقلیسی اولان دیرلی دوستلارلا قاجار موزه سی نین گؤروشونه گئتدیک. بو اونودولماز علمی - ایلنجه لی گزیده (گردش علمی تفریحی) تبریزین دیرلی مجموعه دار و هیکل تراشی، استاد رضا سرابی اقدم بیزلره قیلاووزلوق ائدیب چوخ دیرلی بیلگیلرینی بیزیمله پایلاشدیلار. دئمه لی یم کی، استاد رضا سرابی اقدم بیر چوخ قیمتلی و تاریخی دیری اولان اشیالاری کؤنوللو اولاراق بو موزه یه (و ایرانین باشقا موزه لرین
ه) هدیه وئریبلر.




قاجار موزه‌سی (امیر نظامین ائوی)- تبریز
قاجار موزه‌‌سی، تبریزین چوخ قدیم محله‌لریندن اولان، ششگیلان محله‌سینده‌ دیر. قاجار دؤرونده بو محله‌ده چوخ ساییدا گؤزل عمارت‌لر تیکیلمیشدیر. امیر نظام گروسی‌نین ائوی ده، بو تاریخی عمارت‌لرین هله ده آیاقدا قالیب عظمتینی قورویان تیکینتی‌لرین ان دیرلی‌لریندن بیری دیر. 
ایندیلیک قاجار موزه‌سی آدلانان بو بینا، ناصرالدین شاه زمانیندا، امیر نظام گروسی- نین پیشکار اولدوغو زامان، امیر نظامین توسطو ایله تیکیلمیشدیر. قایناق‌لارا گؤره، سونراکی دؤرلرده ده آزربایجانین والی‌لری بو عمارتده سکونت ائدرمیشلر. امیر نظام- ین ائوی 1370-نجی گونش ایینده میراث فرهنگی سازمانی طرفیندن ساتین آلینیر و بینانین جدی خرابلیقلارینا رغمن معمارلیق اؤزل‌لیکلری و گله‌نکسل بئلیرتی‌لری (شاخصهای سنتی) قوروناراق یئنیدن تیکیلیب، 1385‌- نجی گونش ایلی‌نین گولن آییندا (اردیبهشت) تیکینتی عملیاتی بیتندن سونرا «قاجار موزه‌سی» اولاراق آدلانیب جماعاتین گؤروشونه سرگیلندی. بو بینانین «قاجار موزه‌سی» اولاراق سئچیلمه‌سی‌نین سببی ایسه، قاجار دؤرونده تبریزین دارالسلطنه اولماسی‌نین اهمیتینه گؤره ایدی. قاجار دؤرونون باشلاریندا، عباس میرزا زمانیندا، تبریز شهری ولیعهدنشین اولدو، اوندان سونرا دا قاجار سلطان‌لارینین نیابتینه سئچیلن‌لر بو شهرده یئرلشیب، سلطنته یئتیشدیکده پایتخته گئدرمیشلر. اوسته‌لیک، بو شهر ایران و روس ساواشلاریندا فرمانده‌لرین قرارگاهی و مرکز ثقلی اولموشدور. 
امیر نظامین عمارتی ایکی قاتدا، 1500متر مربع‌لیک یئرده تیکیلیبدیر. بینانین ایکی اندرون- بیرون حیطی وار، بو حیطلرین گول چیچکله دولو کردیلری و حوضلاری اولدوقجا گؤزل و تاماشالی دیر. بینانین ایوانی 16 ستون، و اونلارین گؤزقاماشدیریجی سرستون‌لارینان عبارت دیر. اوست قاتدا، الوان جاملی ارسی پنجره‌لر، آیناکارلیقلار، اینجه گچبرلوقلار تنه‌بینی قات قات داها گؤزل‌لشدیرمیشدی. زئرزمیده، بینانین ان گؤزل حیصه‌لریندن ساییلان بؤیوک حوضخانا واردیر. حوضخانانین ستونلاری و کرپیجدن اولان تاقلاری چوخ گؤرمه‌لی دیر.
موزه‌نین سالون‌لاری بونلاردان عبارت دیر: 
1-بیرینجی قاتدا: سکه تالاری، بافتا تالاری، چینی تالاری، جام تالاری، فلزلر تالاری، موسیقی تالاری، خاتم تالاری
2-زئرزمیده: داش تالاری، سیلاحلار تالاری، رجال و فرمان‌لار تالاری، معمارلیق و شهرسالما (شهرسازی) تالاری




نوع مطلب :
برچسب ها :
لینک های مرتبط :
          
شنبه 23 خرداد 1394
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر





صفحات جانبی
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
امکانات جانبی