تبلیغات
ائله بئله - «گلین داشی»
ائله بئله
صفحه نخست       پست الکترونیک          تماس با ما              ATOM            طراح قالب
گروه طراحی قالب من گروه طراحی قالب من گروه طراحی قالب من گروه طراحی قالب من گروه طراحی قالب من

بیز، "آذربایجانین فولکلورچو خانم‌لاری"، خوی سفریمیزین داوامیندا، کبیری ائو- موزه‌سی و شمس تبریزی‌نین مزارینی زیارت ائتدیکدن سونرا، اؤنجه‌دن قرارلاشدیغیمیز کیمی، خانم رقیه کبیرینین بیزه تانیتدیردیغی «ولدیان» کندینده «گلین داشی»نی گؤرمه‌یه یولا دوشدوک. بو یولچولوقدا حؤرمتلی مصطفی ولدیانی و حیات یولداشی، لیلا خانم ظاهر و گؤزل قیزلاری بیزه هم قیلاووز اولدولار، هم یولداشلیق ائتدیلر، هم ده ولدیان کندینین تاریخی- جغرافیایی موقعی و عادت- عنعنه‌لری ایله دبلرینه گؤره بیزه بیر چوخ بیلگیلر سوندولار. «ولدیان»، ساندیغیمیزدان چوخ داها وسعتلی و چوخ دا قدیم بیر کند ایدی. یولو گؤز ایشله‌دیکجه گوللو- چیچکلی ایدی؛ قیرمیزی لاله گولو، آغ چوبان اَپپبه‌یی، و آدینی بیلمه‌دیگیم ساری گوللر... منه ائله گلدی کی، جنته گئدن یول دا بونا اوخشار بیر یول اولمالی دیر...
هر حالدا، تقریبا ایگیرمی دقیقه‌لیک یولدان سونرا کنده یئتیشدیک و مهربان کندلیلرین صفالی اورکلری، ایچدن سئوینجلری و قوناق سئور آیدین اوزلری بیزی کؤنلوموزجه قارشیلادی. خوش- بئش- اون بئش، "تبریزدن سیزه سلام گتیرمیشیک" دئدیک، "خوش گلیب صفا گتیرمیسیز" دئدیلر. کندین ایچیندن یولا دوشدوک، دونبولو داغی‌نین یام- یاشیل اته‌یینده‌، رقیه خانم کبیری‌نین بیزه تانیتدیردیغی «گلین داشی»-نی گؤرمه‌یه ساری. کندین اصلی میدانیندا کیشیلر ییغیشمیشدی. کهریز باشیندا دا کندین قیز- قادینلاری چیرمالانیب دیزه کیمی داغدان آخیب کهریزه دولان سویا گیرمیشدیلر، اوردا یون یووردولار، پالتار سویا چکیردیلر. سو سوناسینا بنزیردی قیزگلین‌لر. کیمیسی اوشاغینی قوجاغینا آلمیشدی، کیمیسی کوره‌یینه باغلامیشدی چادیراسی ایله. نم نئچه دانا اوشاق دا سئرچه کیمی بو یان- او یانا آتیلیب اویناییب گولوشوردولر... اونلارا دا یورولمایاسیز دئییب، گئتچدیک. من یول اوستو، ترک ائدیلمیش بیر خان ائوینه ده باش اوزالتدیم ، آما دویون- قارین باخا بیلمه‌دیم، تله‌سدیردیلر، یوباناریق دئدیلر. بیر آز یول گئدندن سونرا بیر دره‌یه چاتدیق، قیرمیزی لیغلی سو کئچیردی، دئدیلر «سئل دره‌سی»دیر بورا، بو دا داغلارین تورپاغینی یووب گتیرن سئلین سویودور. گؤزوموزون اؤنونده آچیلان داغلیق منظره‌نی قلمه آلا بیلمیرم دوغروسو... یولدا کندلی بیر اوغلان گؤردوک، داغدان بیر تای اوشقون ییغیب گتیرمیشدی، مصطفی قارداشیمیز ائله تای ایله آلدی هامیسینی، دئدی یئیرسیز. بیز عؤمرومزده بئله لذتلی اوشقون هئچ یئمه‌میشدیک. خولاصه یاریم ساعات یول گئدندن سونرا بیر بوغدالیقدان سووشاندان سونرا، اوزاقدان گلین داشینی گؤردوک. یاخینا گئدیب، اوتوروب دینجیمیزی آلدیق و حیرتلر ایچینده آنا طبیعتین عظمتلی گؤزللیگینی سئیر ائتدیک.
آزربایجانین توپراغی تاریخ بویو یاغیلارین هجومونا معروض قالیب. کندلر اودا چکیلیب، تالانیب، کندلیلر ائویندن ائشیگیندن اولوب، اؤلنلر اولوب، ایتیب باتانلار اولوب.... دئییلن‌لره گؤره هانسی‌سا ساواشلارین بیرینده، دوشمان بو کنده یوگورور، کندلیلردن ساواشا بیلن ساواشیر، هر کس داغا داشا قاچیر. بیر گلین ده قارنیندا اوشاق، اری ساواش میدانیندا، دوشمن تعرض ائده بیلمه‌ییب ناموسونا توخونماسین دئیه اوز قویور داغلارا. یورغون آرغین سیغنیر داغین دؤشونده، الدن دیلدن دوشور، اللرینی گؤیه توتوب آلاها یالواریر "یا منی قوش ائله اوچوم، یا داش ائله دوروم" دئییر. جناب حق بو گلینین ناموس و عفت آدینا یالواردیغینا گؤره اونو داشا دؤندریب یاغیلاردان قورتاریر ناموسونو. 
بیز "آذربایجانین فولکلورچو خانملاری" بو اخلاق و ناموس سئورلیک سیمگه‌سی اولان داشی یاخیندان گؤروب سلاملاماغا گئتدیک، و اوردا کی داشلارا و بیتن کول‌لارا سیمبولیک اولاراق روبانلار باغلادیق. بیز بونا اینانیریق کی، "هاردا دیریلیک و گؤزللیک وارسا، اورادا قادین ایزی وار دئمک". گلین داشی-ندا دا هم گؤزللیک واریدی، هم دیریلیک...

گلین داشی!
سنی سلاملاماغا،
ناموس سئورلیغینین قارشیسیندا
باش اَیمه‌یه گلمیشیک.
سنین 
ائل- عایله‌ باش اوجالیغینین قئیدینه قالماغین 
سارانین 
سئوگی و اینانج یولوندا جاندان کئچمه‌سی کیمی
بیز خانم‌لارین 
تاریخی وارلیغی،
اؤزللیگی
و اورک ایسته‌یی دیر.

سوسن نواده‌رضی- گولن آی/1394





نوع مطلب :
برچسب ها :
لینک های مرتبط :
          
چهارشنبه 23 اردیبهشت 1394
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر





صفحات جانبی
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
امکانات جانبی