تبلیغات
ائله بئله - کبیری ائوی (خانه‌ی کبیری) (KƏBİRİ EVİ (Xaneye Kəbiri
ائله بئله
صفحه نخست       پست الکترونیک          تماس با ما              ATOM            طراح قالب
گروه طراحی قالب من گروه طراحی قالب من گروه طراحی قالب من گروه طراحی قالب من گروه طراحی قالب من

خوی شهرینین طالقانی خیابانیندا، امیری کوچهسینده تیکیلن 3 نؤمرهلی پلاکدا  بو ائو- موزه، 1356نجی گونش ایلینده  1613 ثبت نؤمرهسی ایله، ایرانین ملی اثرلریندن بیری اولاراق ثبت اولونوبدور. بو بینا قاجار مظفرالدین شاه زمانیندا تیکیلیبدیر، تالارین دووار رسیملرینده 1289 گونش ایلی تاریخینین یازیلدیغی. گؤرونمکدهدیر.

بو ائوین اییهسی (مالکی) رحمتلیک حاج میر اسماعیل کبیری ایدی، بو اوزدن ده کبیری ائوی (خانه کبیری) آدلاندیریلمیشدیر. آقای کبیرینین دئدیگینه گؤره بو بینا زندیه زمانیندا تیکیلمیشدیر، آنجاق خوی شهرینده موجود اولان «مقبره» کیمی بینالارین قدمتی صفوی دورانینا گئدیب چاتدیغی اوچون، بو ایکیسینین بنزریشلرینی نظرده آلاراق، اونون صفوی دورانینا عاید  اولدوغو دا وارساییلیر (حدس زده میشود).

 

بو ائو-موزه حال حاضیردا غربی آزربایجانین میراث فرهنگی- سینه عاید دیر. بو بینانین حیهطینین شمال و جنوب حیصهسینده ایکی قاتلی ایکی باب بینا تیکیلمیشدیر. ایکینجی قاتداکی تالار بینانین ان گؤرکملی یئری ساییلیر. دووارلار و تاوان گول- بوتا رسیملری ایله سوسلنمیشدیر. تاواندا گؤزل گچبرلوقلار، ایشلنیبدیر؛ دئییلنه گؤره بونلار  اصلینده هاوا تهویهسی یا دا نملیغی آلان (رطوبت گیر) سیستمی ایمیش،   و بو، ان آزی منیم آیری بیر بینادا ایندیه کیمی گؤرمهدیگیم جالب بیر معمارلیق اسلوبو ایدی. بو بینانین دیرلی بیر صنعتکارلیق اثری اولان  رنگلی شوشهلرله بزنمیش ارسیلری، حقیقتا گؤز قاماشدیریجی بیر گؤزللیک سرگیلهمیشدیر گؤزلر اؤنونده.

بیز، «آذربایجانین فولکلورچو خانملاری»، اؤلکهمیزین دیرلی یازار- شاعری سئوگیلی رقیه خانم کبیرینین دعوتی اوزره پنجشنبه گونو، اریبهشت آیینین 17-سینده (1394)، بو  موزه دن گؤرش ائتمهیهه گئتمیشدیک.

ایندیلیک بو ائو- موزه اجاره اولاراق حؤرمتلی آقای اکبری-نین اختیاریندا قویولوب. آقای اکبری، قدیم اشیالار و تاریخیمیزه ماراقلانان و عؤمرو ایله مال وارلیغینی کؤنوللوجه بو یولدا قویان مجموعهدارلاریمیزدان بیریسی دیر. آقای اکبری بیزی کبیری ائوینده گزدیریب و گرکلی بیلگیلری حؤصلهلی بیر بیچیمده بیزیم اوچون دانیشدی.  سؤزلرینین ان اساسی منیم باخیشیمدان، دولتی حمایتلرین یئترسیز اولدوغو، و بو اوزدن ده بیر چوخ جدی چتینلیکلر چکمهسیندن گیلئیلنمهسی دوغرولتوسوندایدی. اومود ائدیریک بوندان بؤیله مربوطه ارگانلار ائو- موزهلرله داها چوخ ایلگیلنسینلر.

سوسن نوادهرضی

 اردیبهشت 1394- تبریز

KƏBİRİ EVİ (Xaneye Kəbiri)

Xoy şəhrinin Taliqani xiyabanında, Əmiri küçsində tikilən 3 nömrəli bu ev- muzə, 1356-ncı günəş ilində, 1613 səbt nömrəsi ilə, İranın milli əsərlərindən biri olaraq səbt olunubdur. Bu bina Qacar şahı, Müzəffəriddin şah zamanında tikilibdir, taların duvar rəsimlərində isə, 1289 günəş ili tarixinin yazıldığı görünməkdədir.

Bu evin iyəsi Hac Mir İsmail Kəbiri idi, bu üzdən də Kəbiri evi adlandırılmışdır. Onun dediyinə görə, bu bina Zəndiyyə zamanında tikilmişdir, ancaqq Xoy şəhərində mövcud olan “MƏQBƏRƏ” kimi binaların qədimliyi Səfəvilər dövranına gedib çatdığı üçün, bu ikisinin bənzərişlərini nəzərdə alaraq, onun Səfəvilər dövranına ayid olduğu da varsayılır.

Bu ev-muzə hal hazırda qərbi Azərbaycanın “Mirase fərhəngi”-sinə ayiddir. Bu binanın həyətinin şimal və cənub hissəsində iki qatlı iki bab bina tikilmişdir. İkinci qatdakı talar (salon) binanın ən görkəmli yeri sayılır. Duvarlar və tavan gül- bota rəsimləri ilə süslənmişdir. Tavanda gözəl gəçborluqlar işlənibdir; deyilənə görə bunlar əslində havanı təmizləmək ya da nəmliliyi alan bir sistem imiş, və bu, ən azı mənim ayrı bir binada görmədiyim ilginc bir memarlıq üslubu idi. Bu binada, dəyərli bir sənət əsəri olan rəngli camlarla bəzənmiş ərsilər, həqiqətən göz qamaşdırıcı bir gözəllik sərgiləmişdir gözlər önündə.

Biz, “Azərbaycan folklorçu xanımları”, ölkəmizin dəyərli yazar- şairi, sevgili Ruqəyyə xanım Kəbiri-nin dəvəti üzrə pəncşənbə günü, gülən (ordibeheşt) ayın 17-sində (1394- 2015), bu muzədən görüş etməyə getmişdik.

İndilik bu ev- muzə icarrə olaraq hörmətli aqaye Əkbəri-nin ixtiyarında qoyulub. Aqaye Əkbəri, qədim əşyalar və tariximizə maraqlanan və ömrü ilə mal varlığını könüllücə bu yolda qoyan koleksiyonerlərimizdən birisidir. Aqaye Əkbəri bizi Kəbiri evində gəzdirib, gərəkli bilgiləri hövsələli biçimdə bizim üçün danışdı. Sözlərinin ən əsası mənim baxışımdan, dövlət himayətlərinin yetərsiz olduğu, bu üzdən də bir çox ciddi çətinliklər çəkməsindən gileylənməsi doğrultusundaydı. Umun edirik bundan böylə mərbutə organlar ev- muzələrlə daha çox ilgilənsinlər.

Susən N.Rəzi

Bahar/ 2015- TABRİZ







نوع مطلب :
برچسب ها :
لینک های مرتبط :
          
جمعه 18 اردیبهشت 1394
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر





صفحات جانبی
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
امکانات جانبی